ការរៀបចំ និងការប្រព្រឹត្តទៅនៃអាជ្ញាធរអប្សរា

ស្រាវជ្រាវដោយ : លោក សាត សុខណា ជាអតីតនិសិ្សតនីតិសាស្ត្រសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ឆ្នាំសិក្សា ២០១២-២០១៥ សូមរក្សាសិទ្ធិក្នុងការចំលងផ្នែកណាមួយនៃអត្ថបទនេះ។ ទូរស័ព្ទទំនាក់ទំនង ៖ ០១៥៥០៨៨៤២ អ៊ីម៉ែល ៖ sath.sokna@yahoo.com / sathsokna9999@gmail.com​។

Researched by Mr. Sath Sokna,  a former law student of Royal University of Law and Economics Academic year 2012-2015 All Rights Reserve/No any part copy of my assignment. Phone: 015508842 Email: sath.sokna@yahoo.com / sathsokna9999@gmail.com.

​​​ ​​​​
 ​​

មាតិកា

❤❤❤❤

សេចក្តីផ្តើម

ជំពូកទី ១ សញ្ញាណទូទៅនៃអាជ្ញាធរអប្សរា-------------------------------------------------------------------------------

១.១. ប្រវត្តិ និងសញ្ញាណទូទៅរបស់អាជ្ញាធរអប្សរា--------------------------------------------------------------------

១.១.១. សញ្ញាណទូទៅរបស់អាជ្ញាធរអប្សរា----------------------------------------------------------------------------

១.១.១.១. និយមន័យ-------------------------------------------------------------------------------------------------------

១.១.១.២ ភាពជាអាណាព្យាបាលនៃអាជ្ញាធរអប្សរា និងក្រសួងពាក់ព័ន្ធ-------------------------------

១.១.២. ប្រវត្តិនៃការកកើត-------------------------------------------------------------------------------------------------

១.២.នីតិក្រមទាក់ទងនឹងអាជ្ញាធរអប្សរា-----------------------------------------------------------------------------------

១.២.១. ច្បាប់ស្តីពីការការពារបេតិកភណ្ឌ-------------------------------------------------------------------------------

១.២.២. ព្រះរាជក្រឹត្យ----------------------------------------------------------------------------------------------------------

១.២.៣. អនុក្រឹត្យ---------------------------------------------------------------------------------------------------------------

ជំពូកទី ២ ការរៀបចំ និងការប្រព្រឹត្តទៅនៃអាជ្ញាធរអប្សរា----------------------------------------------------------

២.១. រចនាសម្ព័ន្ធគ្រប់គ្រងរបស់អាជ្ញាធរអប្សរា--------------------------------------------------------------------------

២.១.១. រចនាសម្ព័ន្ធដឹកនាំ---------------------------------------------------------------------------------------------------

២.១.១.១. ក្រុមប្រឹក្សាភិបាល--------------------------------------------------------------------------------------------

២.១.១.២. ប្រធានអគ្គនាយក------------------------------------------------------------------------------------------

២.១.១.៣. អគ្គនាយករង-------------------------------------------------------------------------------------------------

២.១.២. រចនាសម្ព័ន្ធរដ្ឋបាល------------------------------------------------------------------------------------------------

២.១.២.១.នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ----------------------

២.១.២.២.នាយកដ្ឋានអភិវឌ្ឍន៍ទេសចរណ៍អង្គរ--------------------------------------------------------------

២.១.២.៣. នាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ-----------------------

២.១.២.៤. នាយកដ្ឋានអភិវឌ្ឍន៍កសិកម្ម និងសហគមន៍---------------------------------------------------

២.១.២.៥. នាយកដ្ឋានគ្រប់គ្រងទឹក---------------------------------------------------------------------------------

២.១.២.៦. អាជ្ញាធរដើម្បីការពាររមណីយដ្ឋាន និងរៀបចំតំបន់អង្គរ-------------------------------------

២.១.២.៧. នាយកដ្ឋានសណ្តាប់ធ្នាប់ និងសហប្រតិបត្តិការ-------------------------------------------------

២.១.២.៨. នាយដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ--------------------------

២.១.២.៩. នាយកដ្ឋានអភិវឌ្ឍន៍បេតិកភណ្ឌក្រុងក្នុងតំបន់សៀមរាប---------------------------------

២.១.២.១០. នាយកដ្ឋានអភិរក្សប្រាសាទក្រៅឧទ្យានអង្គរ--------------------------------------------------

២.១.២.១១. នាយកដ្ឋានរដ្ឋបាល បុគ្គលិក និង សម្ភារៈ--------------------------------------------------------

២.១.២.១២. អាជ្ញាធរដើម្បីការពាររមណីយដ្ឋាន និងរៀបចំតំបន់អង្គរ----------------------------------

២.១.២.១៣. នាយកដ្ឋានផ្សព្វផ្សាយ---------------------------------------------------------------------------------

២.១.២.១៤. នាយកដ្ឋានទ្រទ្រង់បច្ចេកទេស និងគម្រោងអន្តរវិស័យ-----------------------------------

២.២. ធនធាន និងហិរញ្ញវត្ថុរបស់អាជ្ញាធរអប្សរា----------------------------------------------------------------------

២.២.១.​ ប្រភពធនធានរបស់អាជ្ញាធរអប្សរា--------------------------------------------------------------------------

២.២.២.​ ការគ្រប់គ្រងហិរញ្ញវត្ថុ-------------------------------------------------------------------------------------------

២.៣. កិច្ចសហប្រតិបត្តិការរវាងអាជ្ញាធរអប្សរា និងស្ថាប័នដទៃ--------------------------------------------------

២.៣.១. អាជ្ញាធរដែនដីខេត្តសៀមរាប-----------------------------------------------------------------------------------

២.៣.២.​ ស្នងការដ្ឋានពិសេសការពារបេតិកភ័ណ្ឌ-------------------------------------------------------------------

២.៣.៣.​ អង្គការយូណេស្កូ----------------------------------------------------------------------------------------------------

២.៣.៤.​គណៈកម្មការអន្តរជាតិសម្របសម្រួលដើម្បីស្រោចស្រង់ ​និងអភិវឌ្ឍន៏​រមណីយ​ដ្ឋាន​ប្រវត្តិសាស្រ្តអង្គរ ( ICC )       

២.៣.៥. ស្ថាប័នស្រាវជ្រាវអន្តរជាតិនៅអង្គរ​-------------------------------------------------------------------------

ជំពូកទី ៣ បេសកកម្មរបស់អាជ្ញាធរអប្សរា --------------------------------------------------------------------------------

៣.១. តួនាទី ភារកិច្ច និងបេសកកម្មរបស់អាជ្ញាធរអប្សរា ------------------------------------------------------------

៣.២.តួនាទីអាជ្ញាធរអប្សរានៅក្នុងវិស័យនគរូបនីយកម្ម-------------------------------------------------------------

សេចក្តីសន្និដ្ឋាន----------------------------------------------------------------------------------------------------------------------

ឧបសម្ព័ន្ធ------------------------------------------------------------------------------------------------------------------------------

ឯកសារយោង------------------------------------------------------------------------------------------------------------------------- 

សេចក្តីផ្តើម

❤❤❤❤❤❤❤❤

អង្គរដែលជាបុរាណដ្ឋានធំមួយនៅលើលោក ត្រូវបានទទួលចំណាត់ថ្នាក់ក្នុងបញ្ជីបេតិកភណ្ឌពិភពលោក នៃអង្គការយូណេស្កូនៅចុងឆ្នាំ ១៩៩២ ក្រោយពីបានទទួលការអំពាវនាវពីសំណាក់ព្រះករុណាព្រះបាទសម្តេចព្រះ នរោត្តមសីហនុ ដែលកាលនោះព្រះអង្គធ្វើឡើងក្នុងឋានៈជាព្រះប្រធាននៃក្រុម ប្រឹក្សាជាតិជាន់ខ្ពស់ ។

តាំងពីនោះមក គេបានបង្កើតគណៈកម្មាធិការអន្តរជាតិមួយ (គណៈកម្មាធិការអន្តរជាតិដើម្បីសម្រប សម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្ត្រអង្គរ ហៅកាត់ថា ICC) ដើម្បីសម្របសម្រួល រាល់ការងារសំខាន់ទាំងឡាយណាពាក់ព័ន្ធនឹង រមណីយដ្ឋាននេះ ។

ការសិក្សាអំពីគ្រឹះស្ថានសាធារណៈរដ្ឋបាល ជាផ្នែកមួយដ៏សំខាន់នៅក្នុង​ការសិក្សា​អំពី​ស្ថាប័ន​ជំនាញៗ​នៃនយោបាយនគរូបនីយកម្ម បន្ថែមពីលើការសិក្សាពីអាជ្ញាធរ​រដ្ឋ​-បាល​កណ្តាល​ និង​ភ្នាក់ងារ​វិសហមជ្ឈការ។ នៅក្នុងបរិការណ៍នៃព្រះរាជាណាចក្រ​កម្ពុជា​យើង ស្ថាប័នសាធារណៈដំបូង និង​ប្រកប​​​ដោយ​​ឧត្តមភាពនៃតួនាទី និង ភារកិច្ចយ៉ាង​សំខាន់​​ដែលមានឥទ្ធិពលទៅលើវប្បធម៌ ​សេដ្ឋកិច្ចជាតិ ព្រមទាំង​​វិស័យនគរូបនីយកម្មនៅ​ឯ​​ខេត្ត​​សៀមរាប នាតំបន់ប្រវត្តិសាស្ត្រអង្គរនោះ គឺ អាជ្ញាធរជាតិដើម្បីការពារ​រមណីយ-​ដ្ឋាន និងរៀបចំតំបន់អង្គរ ដែលហៅកាត់ថា អាជ្ញាធរអប្សរា ។

ហើយគ្រឹះស្ថានសាធារណៈរដ្ឋបាលមួយនេះមានតួនាទីអ្វីខ្លះ? តើអាជ្ញាធរអប្សរាជា អ្វី? ពិសេសតួនាទីនៅក្នុងនគរូបនីយកម្ម?

            ដើមី្បឆ្លើយតបនឹងចំណោទសំណួរខាងលើនេះ យើងនឹងធ្វើការសិក្សាអំពីអាជ្ញាធរអប្សរាទៅ​លើ​បរិបទសំខាន់ៗដូចខាងក្រោម៖ ស្ថានភាពគតិយុត្តរបស់អាជ្ញាធរអប្សរា​និង តួនាទីអាជ្ញាធរអប្សរា​នៅ​ក្នុងនគរូបនីយកម្ម ។

   

ជំពូកទី ១

សញ្ញាណទូទៅនៃអាជ្ញាធរអប្សរា

            ១.១. ប្រវត្តិ និងសញ្ញាណទូទៅរបស់អាជ្ញាធរអប្សរា

                        ១.១.១. សញ្ញាណទូទៅរបស់អាជ្ញាធរអប្សរា

            នៅក្នុងចំណុចដែលស្តីពីសញ្ញាណទូទៅនៃអាជ្ញាធរអប្សរានេះ យើងនឹង​សិក្សា​អំពីស្ថានភាពជុំវិញនៃអាជ្ញាធរពិសេសមួយនេះ ដែលរួមមាននិយមន័យ(១.១.១.១.) ភាព​ជា​អាណាព្យាបាល និងក្រសួងពាក់ព័ន្ធ (១.១.១.២)។

                        ១.១.១.១. និយមន័យ

            អាជ្ញាធរអប្សរា ជាគ្រឹះស្ថានសាធារណៈមួយប្រកបដោយបុគ្គល​ភាពគតិយុត្តិ​មាន​ស្វ័យ​ភាព រដ្ឋបាលនិងហិរញ្ញវត្ថុ ហើយបង្កើតឡើងដើម្បីការពាររមណីយដ្ឋាន និងរៀបចំ​តំបន់អង្គរ^[1] ។

            អាជ្ញាធរអប្សរាមានបេសកកម្មគិរគូរ ដឹកនាំការងាររៀបចំ និងអភិវឌ្ឍន៍​ទេសចរណ៍​នៃតំបន់ ចំនួនបាំ្រដែលកំណត់នៅក្នុងព្រះរាជក្រឹត្យលេខ ០០១ នស ចុះថ្ងៃទី២៨ ខែឧសភា ឆ្នាំ១៩៩៤ ស្តីអំពីការកំណត់ និងការចាត់ចែងតំបន់សៀមរាបអង្គរ^[2] ។

                        ១.១.១.២ ភាពជាអាណាព្យាបាលនៃអាជ្ញាធរអប្សរា និងក្រសួងពាក់ព័ន្ធ

              លើអាជ្ញាធរអប្សរាព្រម ជាមួយក្រសួងពាក់ព័ន្ធត្រូវធ្វើជាអាណាព្យាបាល​រួមលើគ្រឹះស្ថាន​ទាំងឡាយដែលមានភារកិច្ចទទួល ខុសត្រូវក្នុងការគ្រប់គ្រងរមណីដ្ឋានទាំងនោះមានដូចជា អភិរក្សដ្ឋានអង្គរ ភ្នាក់ងាររៀបចំអភិវឌ្ឍន៍ទេសចរណ៍អង្គរ ភា្នក់ងារអភិវឌ្ឍន៍នគរូបនីយកម្ម វិទ្យាស្ថាន​វប្បធម៌ខ្មែរ ស្នងការដ្ឋាន ពិសេសការពារបេតិកភណ្ឌនៃក្រសួងមហាផ្ទៃ​ដោយសហការ​ជាមួយ​អាជ្ញាធរខេត្តសៀមរាប។ ហើយចំពោះបណ្តាអង្គភាពទាំងនេះនឹងត្រូវបង្កើតឡើងដោយអនុក្រឹត្យ។

                        ១.១.២. ប្រវត្តិនៃការកកើត

            ព្រះករុណាព្រះបាទសម្តេចនរោត្តមសីហនុ​​ អតីតព្រះមហាក្សត្រនៃព្រះរាជា​ណា​ចក្រ​កម្ពុជាក្នុង​ពេល​ដែលព្រះអង្គជាព្រះប្រធាននៃក្រុមប្រឹក្សាជាតិជាន់ខ្ពស់ ទ្រង់បានធ្វើការ​អំពាវ​នាវឲ្យមានការ​ការពារ និង​ទប់ស្កាត់នូវភាពវិនាសដែលកើតមានជាងបី​ទស្សវត្ស​ទៅហើយ មកលើប្រាសាទនានា​នៅ​តំបន់អង្គរ។ ក្រោយពីការអំពាវនាវនេះ នៅថ្ងៃទី០១ ខែ​កក្កដា ឆ្នាំ១៩៩១ ព្រះមហាវីរក្សត្របានផ្ញើជូន​លោក​អគ្គនាយកយួណេស្កូសុំដាក់​បញ្ចូល​​អង្គរក្នុងបញ្ជីបេតិកភណ្ឌភិពភលោក។ ដោយមើលឃើញពី​តម្លៃ​ដ៏មហាសាលនៃ​មរតក​អង្គរ និង ភាពវិនាសដែលបាននិង កំពុងលេបត្របាក់នូវស្នាដៃដ៏វិចិត្រនេះ នៅថ្ងៃទី១៤ ខែ​ធ្នូ ឆ្នាំ១៩៩២​ អង្គរបានជាប់ចំណាត់ថ្នាក់ នៅក្នុងបញ្ជីបេតិកភណ្ឌពិភពលោក នៃអង្គការ​យូណេស្កូជាបណ្ដោះអាសន្ន ដែលវាខុសពីនីតិវិធីនៃការចុះបញ្ជីបេតិកភណ្ឌពិភពលោក។

            ដើម្បីឲ្យអង្គរក្លាយ ជាបេតិកភ័ណ្ឌពិភពលោកអចិន្ត្រៃយ៏ក្នុងរយៈពេលបីឆ្នាំ​កម្ពុជា​ត្រូវបំពេញ​​នូវកាតព្វកិច្ចដែលបានដាក់ដោយអង្គការយូណេស្កូ៖​

ការបង្កើតនីតិក្រមសម្រាប់ការពារឲ្យបានត្រឹមត្រូវ

- កម្រិតព្រំដែនអចិន្ត្រៃយ៍ដោយផ្អែកលើគម្រោងរបស់ UNDP

- បង្កើតតំបន់ទ្រនាប់រវាងឧទ្យាននិង​ក្រុងសៀមរាប

-  បង្កើតភ្នាក់ងារជាតិមួយសំរាប់ការពារបេតិកភណ្ឌ ដែលមានចំនួនសម​ស្រប

- បង្កើតស្ថាប័នអភិរក្ស និងសម្របសម្រួលកិច្ចខំប្រឹងប្រែងជា​អន្តរជាតិក្នុង​វិស័យ​អភិរក្ស​គឺ     គណៈកម្មាធិការអន្តរជាតិ ដើម្បីសម្របសម្រួលកិច្ចគាំពារ និងអភិវឌ្ឍន៍រ​មណីយដ្ឋានប្រវត្តិសាស្រ្ត​អង្គរហៅកាត់ថា ICC ។​

លើសពីនេះទៅទៀត អង្គការយូណេស្កូបានតម្រូវអោយកម្ពុជាបង្កើតអាជ្ញាធរ​ជាតិ​‍មួយ ដើម្បីការពាររមណីយដ្ឋាន និងចាត់ចែងតំបន់អង្គរ ដែលហៅកាត់ថាអាជ្ញាធរ​អប្សរា ក្នុងគាលបំណង បញ្ជៀសនូវ វិវាទសមត្ថកិច្ចនៃក្រសួងនានា ដែលពាក់ព័ន្ធនឹង​ការចាត់​ចែង​ចំពោះផលប្រយោជន៍ពី តំបន់​អង្គរ។ ឆ្លើយតបនឹងលក្ខខណ្ឌនេះ នាថ្ងៃទី១៤ ខែកុម្ភៈ ឆ្នាំ​១៩៩៥ ព្រះមហាក្សត្រ នរោត្តម សីហនុ បានចេញព្រះរាជក្រឹត្យបង្កើតអាជ្ញាធរអប្សរា។ ដោយ​មានបដិវាទកម្មរវាងព្រះរាជក្រឹត្យ បង្កើត​អាជ្ញាធរ​អប្សរា និងព្រះរាជក្រឹត្យលេខ នស/រកត/១២៩៧/៩១ ចុះថ្ងៃទី៣១ ខែធ្នូ ឆ្នាំ១៩៩៧ ស្តីពីលក្ខខណ្ឌ​គតិយុត្តិ​នៃគ្រឹះស្ថាន​សាធារណៈរដ្ឋបាល ទើបមានព្រះរាជក្រឹត្យលេខ នស/រកត/ ០១៩៩/៨១ ចុះថ្ងៃ​ទី២២ ខែ​មករា ឆ្នាំ១៩៩៩ ដើម្បីកែសំរួលព្រះរាជក្រឹត្យបង្កើតអាជ្ញាធរអប្សរា នៅឆ្នាំ១៩៩៥ ព្រមទាំង​បាន​​បង្កើន​នូវភាពច្បាស់លាស់នៃការរៀបចំរចនាសម្ព័ន្ធអាជ្ញាធរអប្សរា និងកំណត់​បេសក​កម្ម​ឲ្យ​អាជ្ញាធរ​នេះ។

            ១.២.នីតិក្រមទាក់ទងនឹងអាជ្ញាធរអប្សរា

ចំពោះនីតិក្រមទាក់ទងនឹងអាជ្ញាធរអប្សរានេះ មានលិខិតបទដ្ឋានគតិយុត្តិជាច្រើន​ដែល មានជា​អាទិ៍ច្បាប់ស្តីពីការការពារបេតិកភណ្ឌ(១.២.១) ព្រះរាជក្រឹត្យ(១.២.២) និងអនុក្រឹត្យ​(១.២.៣)។

                        ១.២.១. ច្បាប់ស្តីពីការការពារបេតិកភណ្ឌ

ក្រោយពេលដែលអាជ្ញាធរអប្សរាបានបង្កើត នីតិក្រមផេ្សងៗកកើតឡើងតាមមក​ជាមួយជា​បន្ត​បន្ទាប់​ក្នុងគោលបំណងជួយបំពេញតួនាទី​ និងពង្រឹងអាជ្ញាធរក្នុងការងារ​ ក៏ប៉ុន្តែ​នីតិក្រមទាំង នោះ​ពុំមាន​​​សមត្ថភាព​​គ្រប់គ្រាន់ក្នុងការថែរក្សា និងការពារតំបន់​ដែល​សំបូររមណីយដ្ឋានគ្រប់ ប្រភេទនេះ​បានទេ។​ នៅពេលនោះ សកម្មភាពជួញដូរ​លើ​វត្ថុ​បុរាណ ដែលផ្តោតគោលបំណងមកលើតំបន់​សៀមរាប​អង្គរ ជា​ពិសេស​​ការគាស់​កកាយ​​បុរាណ​ដ្ឋាន និងបា្រសាទកើតឡើងជាអន្លើៗ។​ ការលួចប្លន់​វត្ថុ​បុរាណ​នៅតាម​បា្រសាទមានផ្ទាំងចម្លាក់​ សិលាចារឹក ជាដើម...។ នេះ ជាបន្ទុកដ៏ធ្ងន់ធ្ងរ​របស់​អាជ្ញាធរ​អប្សរា និងរាជរដ្ឋា​ភិ​បាលកម្ពុជា។ ដើម្បីបន្ថែមអំណាចទៅឲ្យអាជ្ញាធរអប្សរា រាជ​រដ្ឋាភិ-​បាល​​​កម្ពុជា បានបង្កើតច្បាប់មួយ​ក្នុងគោល​បំណង​ថែរក្សាសម្បត្តិវប្បធម៌​ដែលជារបស់​ខ្មែរ ​ជាពិសេសនៅ​លើ​ទឹកដី​ខេត្តសៀមរាបទាំងមូល។ ច្បាប់នេះ​មាន៣ជំពូក និង៦៧​មាត្រា ដែលបានចូលជាធរមាននៅថ្ងៃទី២៥ ខែមករា ឆ្នាំ១៩៩៦ ឡាយព្រះហស្ថលេខា​ដោយ​ព្រះបាទ នរោត្តម សីហនុ នោះគឺ​ ច្បាប់ស្តីពីការការពារ​បេតិកភណ្ឌវប្បធម៌ ។

                        ១.២.២. ព្រះរាជក្រឹត្យ

នីតិក្រមមុនគេបង្អស់​ដែលព្រះករុណាព្រះបាទនរោត្តមសីហនុ បានឡាយព្រះ​ហស្ថ​​លេខា​​ក្រោយ​ពេល​ដែលព្រះអង្គឡើងគ្រងរាជជាថ្មី​គឺព្រះរាជក្រឹត្យស្តីពី ការកំណត់ និង ចាត់ ចែងគ្រប់គ្រងសៀមរាប​អង្គរ។​ ព្រះរាជក្រឹត្យនេះចែកជាពីរជំពូក គឺជំពូកទី១​ស្តីពី​ការកំណត់​តំបន់ និងការចាត់ចែង គ្រប់គ្រង​តំបន់សៀមរាបអង្គរ ចំណាត់ថ្នាក់រមណីយដ្ឋាន​វប្បធម៌ត្រូវការពារ និងជំពូកទី២ ស្តីពីទិសដៅ​សម្រាប់តំបន់ត្រូវការពារនៃអង្គរ ក្រោយ​មក​គឺ​ព្រះរាជក្រឹត្យស្តីពីការបង្កើតអាជ្ញាធរដើម្បី ការពារ​រមណីយ​ដ្ឋាន និងរៀបចំតំបន់អង្គរ ហៅថាអាជ្ញាធរអប្សរា។​ នៅក្នុងជំពូកទី១មានការបែង ចែកការគ្រប់​គ្រង​ជា៥​តំបន់ គឺ​តំបន់​ទី១ ជារមណីយដ្ឋានមានបា្រសាទ ជាតំបន់ដែលមានស្ថានីយបុរាណវត្ថុសំខាន់ៗ​ជាង​គេ​​ក្នុង​ព្រះរាជាណាចក្រកម្ពុជា​ ហើយត្រូវបានទទួលកិច្ចការពារកម្រិតខ្ពស់បំផុត​។ ធម្មតាតំបន់នេះមាន​ទំហំ​​តូច តែចំពោះអង្គរវិញទោះមានផ្ទៃធំធេង ក៏ត្រួវចាត់ចែង​ការ-​ពារ ចូលក្នុងកម្រិតខ្ពស់បំផុតនេះដែរ ដោយ​តំបន់នេះមានបា្រសាទ និងសំណង់បុរាណវត្ថុ​ជា​ច្រើន។​ តំបន់ទី២ ជាឧទ្យានបុរាណវត្ថុដែលត្រូវ​​​ការ​ពារ ព្រោះជាតំបន់ដែលសំបូរ​សំណល់​​បុរាណវត្ថុ​​ដែល ត្រូវការពារទប់ទល់នឹងការប្រើបា្រស់ដីធ្លី​ផ្តេស​​ផ្តាស និងការ​អភិវឌ្ឍ​​មិនសមស្រប។ ធម្មតាតំបន់ ទាំងនេះ ស្ថិតនៅជុំវិញរមណីយដ្ឋាន​មាន​បា្រ​សាទ។ តំបន់ទាំងនេះ ច្រើនមានបុរាណវត្ថុបង្កប់នៅទីនោះ  ហើយមានសារៈសំខាន់ចម្បង​ដោយ​សារ​​ជា​​តំបន់​ទ្រនាប់​សម្រាប់​ការពាររមណីយដ្ឋានមានបា្រសាទ។ ចំណែកឯ តំបន់ទី៣​ ជាទេសភាព​វប្បធម៌​ត្រូវ​​ការពារ ពោលគឺជាតំបន់ដែលមានលក្ខណៈជាទេសភាព ហើយ ត្រូវការពារដោយហេតុថា​តំបន់នេះ​មាន​​ទិដ្ឋភាព​បរមបុរាណ។ លើសពីនេះទៅទៀត​ បែប​បទ​ប្រើប្រាស់ដីធ្លី សំណង់លំនៅដ្ឋាន អគារ​ប្រវត្តិ​​សាស្រ្ត​​​នៅទីនោះ​ ដែលជាកេរ្តិ៍តំណែល​ដ៏យូរលង់ផ្តល់តម្លៃវប្បធម៌ខ្ពស់ឆ្លុះបញ្ចាំង​ឲ្យឃើញ​ជីវភាព​រស់​នៅ​ពី​អតីតកាល។ តំបន់ទី៤ គឺជាចំណុចដែលមានសារៈសំខាន់ផ្នែកបុរាណវិទ្យា នរវិទ្យា ឬប្រវត្តិវិទ្យា និងជា​តំបន់ដែល​មាន​​សារៈប្រយោជន៍ខាងបុរាណវិទ្យា វាមានតម្លៃដល់ការ​សិក្សា​ស្រាវជ្រាវ ការអប់រំ ឬ​ទេស​ចរណ៍។ ចំពោះតំបន់ទី៥ ជាបរិវេណអភិវឌ្ឍន៍សង្គម សេដ្ឋកិ​ច្ច និង វប្បធម៌នៃ​តំបន់​សៀមរាប​អង្គរ គឺជាតំបន់ ដែលគ្របដណ្តប់ខេត្តសៀមរាបទាំងមូល។

ចំពោះព្រះរាជក្រឹត្យ ស្តីពីការបង្កើតអាជ្ញាធរដើម្បីការពាររមណីយដ្ឋាន និងរៀបចំ​តំបន់​អង្គរ ហៅថាអាជ្ញាធរអប្សរា ក្តោបជាទូទៅអំពីដំណើរការ​ប្រព្រឹត្តទៅរបស់​អាជ្ញាធរ​អប្សរាទាំងមូល។ ដោយ​យោងតាមសំណើរបស់នាយករដ្ឋមន្ត្រី​នៃព្រះរាជាណាចក្រ​កម្ពុជា​ចុះថ្ងៃទី១៨​ ខែមករា ឆ្នាំ ១៩៩៩ និង​គោរព​តាមព្រះរាជក្រឹត្យលេខ នស/រកត/១២៩៧/៩១ ចុះ​ថ្ងៃទី៣១ ខែធ្នូ ឆ្នាំ១៩៩៧ ស្តីពីលក្ខន្តិកៈ​គតិយុត្ត​​គ្រឹះស្ថានសាធារណៈរដ្ឋបាល ធ្វើឲ្យមានកា​រកែសម្រួលបទប្បញ្ញត្តិមួយចំនួន នៃព្រះរាជក្រឹត្យ​លេខនស/រកត/០២៩៥/១២​ ចុះថ្ងៃទី១៩ ខែ​កុម្ភៈ ឆ្នាំ១៩៩៥ ស្តីពីការបង្កើតអាជ្ញាធរអប្សរា។

                        ១.២.៣. អនុក្រឹត្យ

ក្រោយពីព្រះរាជក្រឹត្យកំណត់តំបន់មក អនុក្រឹត្យសម្រាប់អនុវត្តមួយបានចេញបន្ត​នៅ​ខែ​តុលា ឆ្នាំ១៩៩៥ ដោយកម្រិតផ្ទៃដីមួយនៃក្រុងសៀមរាប សម្រាប់រៀបចំបុរី​សណ្ឋា​-គារ និងដោយ បញ្ជាក់ពី​តំបន់មួយចំនួន ដែលត្រូវយកចិត្តទុកដាក់ជាពិសេស អនុក្រឹត្យ​នេះ​គឺ អនុក្រឹត្យស្តីពីបុរី សណ្ឋាគារ។​

លើសពីនេះមានអនុក្រឹត្យមួយ ដែលពាក់ព័ន្ធនឹងអាជ្ញាធរអប្សរាក្នុងការ​គ្រប់គ្រង​សន្តិ​សុខ នៅ​តំបន់សៀមរាបអង្គរ គឺ អនុក្រឹត្យស្តីពីស្នងការដ្ឋានពិសេសការពារ។ អនុក្រឹត្យ​នេះមានចែងអំពីសិទ្ធិ និងភារកិច្ច របស់ស្នងការដ្ឋានពិសេសការពារបេតិកភ័ណ្ឌ។

ជំពូកទី ២

ការរៀបចំ និងការប្រព្រឹត្តទៅនៃអាជ្ញាធរអប្សរា

            ២.១. រចនាសម្ព័ន្ធគ្រប់គ្រងរបស់អាជ្ញាធរអប្សរា

ចំពោះដំណើរនៃរចនាសម្ព័ន្ធគ្រប់គ្រងរបស់អាជ្ញាធរអប្សរា យើងឃើញ​មានការ​គ្រប់គ្រង ដែលមានលក្ខណៈសំខាន់ៗ ចំនួន ២ គឺរចនាសម្ព័ន្ធដឹកនាំ (២.១.១.) និងនិងរចនាសម្ព័ន្ធ​រដ្ឋបាល(២.១.២.)។

                        ២.១.១. រចនាសម្ព័ន្ធដឹកនាំ

នៅក្នុងការគ្រប់គ្រងជារចនាសម្ព័ន្ធដឹកនាំ ដោយមានសមាសភាពថ្នាក់ដឹកនាំដូច​ជា ក្រុមប្រឹក្សា​ភិបាល(១.១) ប្រធានអគ្គនាយក(១.២) និងអគ្គនាយករង(១.៣)។

                        ២.១.១.១. ក្រុមប្រឹក្សាភិបាល

            បន្ទាប់ពីបានបង្កើតអាជ្ញាធរអប្សរា កាលខែ កុម្ភៈ ឆ្នាំ១៩៩៥​រួចមក ក្រុមប្រឹក្សា​ភិបាល​​ត្រូវបាន​បង្កើត​​ឡើង​ដើម្បីគ្រប់គ្រងកិច្ចការសំខាន់ៗ របស់អប្សរា ។​ អាជ្ញាធរនេះ មាន​​ស្វ័យភាពផ្នែក   រដ្ឋបាល និង​ហិរញ្ញវត្ថុ។

            សមាជិកក្រុមប្រឹក្សាភិបាលរួមប្រជុំយ៉ាងតិច៦ដងក្នុង១ឆ្នាំ តាមការកោះ​អញ្ជើញ​របស់​សហ ប្រធាន​ដែលជាអ្នកកំណត់របៀបវារៈ។ ក្រុមប្រឹក្សាភិបាល ត្រូវរួមប្រជុំក្នុងខែ​បន្ទាប់ បើសិនជាការ កោះ​អញ្ជើញ​ត្រូវបានសុំដោយសមាជិកចំនួន១ភាគ៤​នៃសមាជិក​ទាំង​អស់។ ក្នុងការអនុម័តផ្សេងៗ​ ត្រូវ​កំណត់​​តាមសំលេងភាគច្រើននៃសមាជិកនៃអង្គ​ប្រជុំ។​ ក្នុងករណីមានសម្លេងស្មើគ្នា សម្លេងរបស់​សហ​ប្រធាន​​មានឧត្តមានុភាពក្នុងការ​អនុម័ត។ មិនតែប៉ុណ្ណោះ សហប្រធានអាចអញ្ជើញរាល់ សមាជិកណា​ក៏ដោយ​ដើម្បី​ឲ្យចូលរួមក្នុងអង្គប្រជុំ ក្នុងករណីដែលខ្លួនយល់ថាវត្តមានបុគ្គលនេះ មានប្រយោជន៍ សម្រាប់​​​​ការងារនេះ។

អាជ្ញាធរ “អប្សរា“ ត្រូវបានគ្រប់គ្រងដោយ​ក្រុមប្រឹក្សាភិបាល​ ដែលមានសមាស​ភាព​ចេញពីអន្តរ​ក្រសួង​ដែលក្នុងនោះមាន[3]៖

-  នាយករដ្ឋមន្ត្រីទី១                                                                                         សហប្រធាន

-  នាយករដ្ឋមន្ត្រីទី២                                                                                         សហប្រធាន

- ទេសរដ្ឋមន្ត្រីទទួលបន្ទុកកិច្ចការវប្បធម៌ និងវិចិត្រសិល្បៈ​ រៀបចំទឹកដី​​ នគរូបនីយកម្ម និងសំណង់                                                                                                      អនុប្រធាន

-  រដ្ឋមន្រ្តីក្រសួងសាធារណៈការ និងដឹកជញ្ជូន ឬតំណាង                                   សមាជិក

-  រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ឬតំណាង                                               សមាជិក

-  រដ្ឋមន្រ្តីក្រសួងវប្បធម៌ និងវិចិត្រសិល្បៈ​ ឬតំណាង                                            សមាជិក

-  រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ ឬតំណាង                សមាជិក

-  រដ្ឋមន្រ្តីក្រសួងទេសចរណ៍ ឬតំណាង                                                               សមាជិក

-  រដ្ឋមន្រ្តីក្រសួងគ្រប់គ្រងបរិស្ថាន ឬតំណាង                                                       សមាជិក

-  រដ្ឋមន្រ្តីក្រសួងផែនការ ឬតំណាង                                                                     សមាជិក

-  អគ្គលេខាធិការក្រុមប្រឹក្សាអភិវឌ្ឍន៍កម្ពុជា ឬតំណាង                                        សមាជិក

-  អភិបាលខេត្តសៀមរាប ឬតំណាង                                                                    សមាជិក

-  តំណាងទីស្តីការគណៈរដ្ឋមន្រ្តីមួយរូប                                                               សមាជិក

ក្រោយមកនៅថ្ងៃទី១៨ ខែមករា ឆ្នាំ១៩៩៩ ក្រុមប្រឹក្សាភិបាលត្រូវបានគេធ្វើកំណែ​ទម្រង់​មួយ​ចំនួន ដើម្បីឲ្យស្របទៅនឹងព្រះរាជក្រឹត្យលេខ នស/រកត/១២៩៧/៩១ ចុះថ្ងៃទី ៣១ ខែ ធ្នូ ឆ្នាំ ១៩៩៧ ស្តីពី​លក្ខន្តិកៈ​​គតិយុត្តនៃគ្រឹះស្ថានសាធារណៈរដ្ឋបាល ក្នុងនោះគេឃើញ​មាន​ការកែ សម្រួលផងដែរ​នូវ​សមាស​ភាព​ក្រុមប្រឹក្សាភិបាលនៃអាជ្ញាធរអប្សរា។

សមាសភាព​ក្រុមប្រឹក្សា​ភិបាល​នៃអាជ្ញាធរអប្សរាមានដូចតទៅ៖

-      ទីប្រឹក្សារាជរដ្ឋាភិបាលផ្នែកការងារអប្សរា                                 មួយរូប

-      តំណាងទីស្តីការគណៈរដ្ឋមន្ត្រី                                                  មួយរូប

-      តំណាងក្រសួងវប្បធម៌ និងវិចិត្រសិល្បៈ                                   មួយរូប

-      តំណាងក្រសួងមហាផ្ទៃ                                                            មួយរូប

-      តំណាងក្រសួងសេដ្ឋកិច្ច និងហិរញ្ញវត្ថុ                                      មួយរូប

-      តំណាងក្រសួងទេសចរណ៍                                                      មួយរូប

-      តំណាងក្រសួងបរិស្ថាន                                                            មួយរូប

-      តំណាងក្រសួងរៀបចំដែនដី នគរូបនីយកម្ម និងសំណង់          មួយរូប

-      តំណាងក្រសួងសាធារណៈការ និងដឹកជញ្ជូន                          មួយរូប

-      អភិបាលខេត្តសៀមរាប                                                            មួយរូប

-      តំណាងបុគ្គលិកអាជ្ញាធរអប្សរា                                                 មួយរូប

សមាជិកក្រុមប្រឹក្សាភិបាលត្រូវតែងតាំងឡើងដោយអនុក្រឹត្យ ហើយអាចរំលាយ​វិញ​ដោយ​អនុក្រឹត្យនៅពេលណាក៏បាន ។ ក្រុមប្រឹក្សាភិបាលមានអាណត្តិរយៈពេល៣ឆ្នាំ ហើយអាចបន្ត អាណត្តិ​សារជាថ្មីបាន។ ចំណែកការបញ្ចប់អាណត្តិរបស់សមាជិកណា​ម្នាក់ ត្រូវធ្វើឡើងតាម សំណើរបស់​ក្រសួងដែលសមាជិកនោះតំណាងឲ្យ។ រដ្ឋទទួលខុស​ត្រូវ​បទ​ស៊ីវិល ដែលពាក់ព័ន្ធទៅ នឹង​ការបំពេញ​បេសកកម្ម​របស់សមាជិកក្រុមប្រឹក្សា លើក​លែង​តែក្នុងករណីធ្វើខុសដោយចេតនា។ សមាជិកក្រុម​ប្រឹក្សា​ភិបាល ​ទទួលខុសត្រូ​វផ្ទាល់​លើ​កំហុសព្រហ្មទណ្ឌដែលខ្លួនបានប្រព្រឹត្ត[4]។

ក្រុមប្រឹក្សាភិបាល ជាអ្នកដឹកនាំនិងទទួលខុសត្រូវការងារធំៗ របស់អាជ្ញាធរ​អប្សរា​។ ប្រធាន​ក្រុម​ប្រឹក្សាភិបាល មានតួនាទី និងមុខតំណែងជាប្រធានអគ្គនាយកនៃ​អាជ្ញាធរ​អប្សរា​ មាត្រា១១(១) នៃ​ព្រះ​​រាជ​ក្រឹត្យលេខ នស/រកត/១២៩៧/៩១ ចុះថ្ងៃទី៣១ ខែធ្នូ ឆ្នាំ១៩៩៧ ស្តីពីលក្ខន្តិកៈគតិយុត្ត​នៃគ្រឹះ​ស្ថាន​សាធារណៈរដ្ឋបាលដោយមានអគ្គនាយករង​មួយចំនួនជាជំនួយការ។

បនែ្ថមលើសិទ្ធិអំណាចចែងក្នុងមាត្រា១២ នៃព្រះរាជក្រឹត្យនស/រកត/១២៩៧/៩១ ប្រធានក្រុម​ប្រឹក្សា ឬប្រធានអគ្គនាយកមានតួនាទី និងភារកិច្ចដូចតទៅ៖

-      តំណាងរាជរដ្ឋាភិបាលក្នុងកិច្ចប្រជុំគ្រប់ពិធី និងគ្រប់ការចរចាដែលពាក់ព័ន្ធនឹង​តំបន់​រមណីយដ្ឋានអង្គរ

-      មានសិទ្ធិចុះហត្ថលេខាលើកិច្ចព្រមព្រៀង លើពិធីសារនិងលើកិច្ច​សន្យា​ទំាង-​ឡាយ​ដែល​ទាក់​ទង​​នឹងរមណីយដ្ឋានអង្គរ ក្រោយពីទទួលបានការឯកភាពពីរដ្ឋមន្រ្តី​ក្រសួង​អាណាព្យាបាល​​បច្ចកទេស

-      ជាអាណាប័កដើមខ្សែនៃអាជ្ញាធរអប្សរា និង ជាអ្នកពិនិត្យចំណូលប្រាក់ទូទាត់​បំណុល ចាត់​ចែង​ធ្វើការទូទាត់ និងចេញបញ្ជាចំណាយ

-      អាចផ្ទេរសិទ្ធិឲ្យអាណាប័កផ្ទេរសិទ្ធិ ឬបង្កើតឲ្យមានការព្រមព្រៀង​ជាមួយ គណ​នេយ្យ​ករ​នូវ រជ្ជទេយ្យចំណូល ឬបុរេប្រទាន។

ក្រុមប្រឹក្សា​ភិបាលមាន​សិទ្ធិ​អនុម័ត[5]៖

-      ការតម្រង់​ទិសរាល់សកម្មភាពរបស់អាជ្ញាធរអប្សរា

-      បទបញ្ជាផ្ទៃក្នុងរបស់អាជ្ញាធរអប្សរា

-      របាយការណ៍ប្រចាំឆ្នាំដែលប្រធានអគ្គនាយកបានដាក់ជូន

-      ទឹកប្រាក់បង់ថ្លៃឈ្នួល និងចំណូលគ្រប់បែបយ៉ាង​ ដែលអាជ្ញាធរអប្សរា​ប្រមូល​បាន

-      ចំនួនទឹកប្រាក់ និងលក្ខខណ្ឌនៃការខ្ចីបុល

-      រាល់បញ្ជាដែលប្រធាន និងអគ្គនាយកដាក់ឲ្យពិនិត្យ។

ប៉ុន្តែបើយោងតាមមាត្រា១នៃព្រះរាជក្រឹត្យនស/រកត/០៩០៤/២៦៧ បានចែងថា “ត្រូវបានកែសម្រួលមាត្រា៤ និងមាត្រា៥ នៃព្រះរាជក្រឹត្យលេខ នស/រកត/០១៩៩/១៨ ចុះថៃ្ងទី២២ ខែមករា ឆ្នាំ១៩៩៩ ស្តីពី ការកែសម្រួលបទប្បញ្ញតិ្តមួយចំនួននៃព្រះរាជក្រឹត្យលេខ នស/រកត/០២៩៥/១២ ចុះថៃ្ងទី១៩ ខែកុម្ភៈ ឆ្នាំ១៩៩៥ ស្តីពីការ បងើ្កតអាជ្ញាធរដើម្បីការពាររមណីយដ្ឋាន និងរៀបចំតំបន់អង្គរហៅថាអាជ្ញាធរអប្សរា។ ”។ ដូនេះអាជ្ញាធរអប្សរា ត្រូវស្ថិតនៅកោ្រមការដឹកនាំនៃទីស្តីការគណៈរដ្ឋមន្រ្តី ។ ក្នុងឋានៈនេះ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ជាប្រធានក្រុមប្រឹក្សាភិបាលនៃអាជា្ញធរអប្សរ និងមានមុខតំណែងជាប្រធានអាជា្ញធរអប្សរា ។

ក្រុមប្រឹក្សាភិបាលនៃអាជា្ញធរអប្សរាមានសមាសភាពដូចតទៅ[6] ៖

- រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី                               ប្រធាន

- តំណាងក្រសួងវប្បធម៌ និងវិចិត្រសិល្បៈ                                សមាជិក

- តំណាងក្រសួងមហាផៃ្ទ                                                         សមាជិក

- តំណាងក្រសួងសេដ្ឋកិច្ច និងហិរញ្ញវត្ថុ                                   សមាជិក

- តំណាងក្រសួងទេសចរណ៍                                                    សមាជិក

- តំណាងក្រសួងបរិស្ថាន                                                         សមាជិក

- តំណាងក្រសួងរៀបចំដែនដីនគរូបនីយកម្ម និងសំណង់         សមាជិក

- តំណាងក្រសួងសាធារណការ និងដឹកជញ្ជូន                         សមាជិក

- តំណាងអាជា្ញធរជាតិទេសចរណ៍កម្ពុជា                                 សមាជិក

- តំណាងសាលាខេត្តសៀមរាប                                               សមាជិក

- តំណាងបុគ្គលិកអាជ្ញាធរ "អប្សរា"                                           សមាជិក

            ប្រធានអាជា្ញធរអប្សរ មានសិទ្ធិអំណាចដូចមានចែងក្នុងមាត្រា១២ នៃព្រះរាជក្រឹត្យលេខ នស/រកត/១២៩៧/៩១ ចុះថែ្ងទី ៣១ ខែធ្នូ ឆ្នាំ១៩៩៧ ស្តីពីលក្ខនិ្តកៈគតិយុត្តនៃគ្រឹះស្ថានសាធារណៈរដ្ឋបាល ព្រមទាំងមានតួនាទី និងភារកិច្ចបនែ្ថមដូចតទៅ ៖

-      តំណាងរាជរដ្ឋាភិបាលក្នុងគ្រប់កិច្ចប្រជុំ គ្រប់ពិធី និងគ្រប់ការចរចាដែលពាក់ព័ន្ធនឹងតំបន់រមណីយដ្ឋានអង្គរ និងតំបន់ ពាក់ព័ន្ធផ្សេងទៀត

-      មានសិទិ្ធចុះហត្ថលេខាលើកិច្ចព្រមព្រៀង លើពិធីសារ លើកិច្ចសន្យាទាំងឡាយដែលទាក់ទង  នឹងតំបន់រមណីយដ្ឋាន អង្គរ និងតំបន់ពាក់ព័ន្ធផេ្សងទៀត

-      ជាអាណាប័កដើមខែ្សនៃអជា្ញធរ “អប្សរា” និងជាអ្នកពិនិត្យចំណូលប្រាក់ ទូទាត់ចំណូល ចាត់ចែងធើ្វការទូទាត់ និង ចេញបញ្ជាចំណាយ

-      អាចផេ្ទរសិទ្ធិឲ្យអាណាប័កផេ្ទរសិទ្ធិ ឬបងើ្កតឲ្យមានការព្រមព្រៀងជាគណនេយ្យករនូវរជ្ជទេយ្យចំណូល ឬបុរេប្រទាន

          ប្រធានអាជា្ញធរអប្សរា មានជំនួយការជាអគ្គនាយកមួយរូប និងអមដោយអគ្គនាយកមួយចំនួនទៀតដែលត្រូវតែង តាំងដោយព្រះរាជក្រឹត្យ ។

             ២.១.១.២. ប្រធានអគ្គនាយក

            ប្រធានអគ្គនាយកអាជ្ញាធរអប្សរាត្រូវតែងតាំងដោយអនុក្រឹត្យ ដែលមានអាណត្តិ​៣ឆ្នាំ ហើយ​អាច​បន្តបានមួយអាណត្តិទៀត ។ ប្រធានអគ្គនាយក(ឯកឧត្តមសុខ អាន)មានតួនាទី និងមុខតំណែង​ជា​ប្រធានក្រុមប្រឹក្សា​ភិបាល​របស់អាជ្ញាធរអប្សរាស្របតាមមាត្រា១១(១) នៃព្រះ​រាជ​ក្រឹត្យនស/រកត/៩១ ចុះថ្ងៃ ទី៣១ ខែធ្នូ ១៩៩៧ ។ ការបញ្ឈប់ប្រធានអគ្គនាយក ត្រូវធ្វើឡើងដោយអនុក្រឹត្យដូចនេះមាត្រា៨ និងមាត្រា៩ នៃព្រះរាជក្រឹត្យនស/រកត/០២៩៥/១២ ចុះថ្ងៃទី១៩ ខែកុម្ភៈ ឆ្នាំ១៩៩៥ ត្រូវចាត់ទុកជានិរាករណ៍ ។

            ប្រធានអគ្គនាយក ជានាយកប្រតិបត្តិទូទៅដឹកនាំកិច្ចការរបស់អាជ្ញាធរអប្សរា និងមានភារកិច្ច៖

-      រៀបចំប្រជុំក្រុមប្រឹក្សាភិបាល

-  ទទួលបន្ទុកសេចក្តីសម្រេចរបស់ក្រុមប្រឹក្សាភិបាល និងដាក់ដំណើរការ​នយោ​បាយ ​ដែល​កំណត់ដោយក្រុមប្រឹក្សាភិបាល

-      តែងតាំង និងតម្លើងឋានៈបុគ្គលិកតាមផែនការ ដែលអនុម័តដោយក្រុមប្រឹក្សា- ភិបាល ដូចជា​ការជ្រើសរើស ការតែងតាំង តម្លើងឋានៈបណ្តុះបណ្តាល និងបំពាក់បំប៉ន បន្ថែម​ផ្នែកពហុ បច្ចេកវិជ្ជាសម្រាប់បុគ្គលិក

-      ទទួលខុសត្រូវការគ្រប់គ្រងសម្ភារៈ ដូចជាការរៀបចំថវិកា ការបែងចែកថវិកា និងការបញ្ជា​ចំណាយ ព្រមទាំងសម្របសម្រួលរាល់គម្រោងបច្ចេកទេសទាំងឡាយ​ ដែល​នាយក​​ដ្ឋានបច្ចេកទេស​នីមួយៗរៀបចំឡើង ហើយមានការអនុម័ត​ដោយក្រុមប្រឹក្សា​-ភិបាល។

-   ទទួលបន្ទុកអាណាប័កដើមខ្សែ។​ ចំពោះតួនាទីនេះ ប្រធានអគ្គនាយកពិនិត្យ និងទូទាត់ប្រាក់​​ចំណូលចំណាយ។ ប្រធានអគ្គនាយក អាចផ្ទេរសិទ្ធិឲ្យអាណាប័កផ្ទេរសិទ្ធិ ឬ បង្កើត​រជ្ជទេយ្យចំណូល ឬបុរេប្បទានបានល្គឹកណា មានការយល់ព្រមពីភ្នាក់ងារ គណនេយ្យ។

-     ជាតំណាងរដ្ឋាភិបាលក្នុងគ្រប់កិច្ចចរចាប្រជុំ និង គ្រប់ពិធីដែលពាក់ព័ន្ធនឹង​តំបន់​រមណីយ​ដ្ឋាន​អង្គរ និងមានបុព្វសិទ្ធិតំណាងឲ្យអាជ្ញាអប្សរានៅចំពោះមុខអាជ្ញាធរ ជាតិ ស្ថាប័ន អន្តរជាតិ និង​តតិយជន។

- ទទួលបន្ទុកប្រតិបត្តិសេចក្តីសម្រេចរបស់ក្រុមប្រឹក្សាភិបាល និងចាត់វិធានការ ចំបាច់ សម្រាប់ដំណើរការល្អនៃអាជ្ញាធរអប្សរា ដែលមានប្រធានអគ្គនាយកជាតំណាង នៅចំពោះមុខ តុលាការ។

ដើម្បីបំពេញតួនាទី និងភារកិច្ចខាងលើនេះប្រធានអគ្គនាយកមានអ្នកជំនួយការអគ្គនាយករង ០១រូប ទទួលបន្ទុករដ្ឋបាលកណ្តាលនៅទីស្នាក់ការ ខេត្តសៀមរាប​ក្នុងការ​គ្រប់គ្រ​ង​ផ្នែករដ្ឋបាល ហិរញ្ញ​វត្ថុ និងទំនាក់ទំនងផ្សព្វផ្សាយ។ អគ្គនាយករង ​៤រូបទៀត​ទទួល​បន្ទុកគ្រប់គ្រងនាយកដ្ឋាន    នីមួយៗ។

                        ២.១.១.៣. អគ្គនាយករង

អគ្គនាយករងអាជ្ញាធរអប្សរាត្រូវបានតែងតាំង និងបញ្ចប់ដោយអនុក្រឹត្យតាមការ​ស្នើសុំរបស់​ក្រុម​ប្រឹក្សាភិបាល។ អគ្គនាយករងទាំងអស់មានចំនួន០៥រូប ដែលមានតួនាទី​ជា​​ជំនួយការរបស់​ប្រធាន​​អគ្គនាយក។ ក្នុងចំណោមអគ្គនាយករងទាំង០៥ រួមមាន​អគ្គ​នាយក​រង១រូបទទួល បន្ទុកកិច្ចការ​រដ្ឋបាល​​កណ្តាលនៅទីស្នាក់ការខេត្តសៀមរាប ក្នុងការ​គ្រប់​គ្រងរដ្ឋបាលនិងហិរញ្ញវត្ថុ ព្រមទាំងការ​ទំនាក់​ទំនង​ផ្សព្វផ្សាយ និងអគ្គនាយករង០៤​រូប​​ទៀត ទទួលបន្ទុកនាយកដ្ឋានមួយៗក្នុងការគ្រប់គ្រង​ផ្នែកបច្ចេកទេស​វិទ្យាសាស្រ្ត ឬ​គម្រោង​​អភិវឌ្ឍន៍សេដ្ឋកិច្ច និងសង្គមកិច្ច។

                         ២.១.២. រចនាសម្ព័ន្ធរដ្ឋបាល

            អគ្គនាយកដ្ឋាន​នៃ​អាជ្ញាធរ​អប្សរា ស្ថិតក្រោម​ការ​ដឹកនាំ​របស់​ប្រធាន​អាជ្ញាធរ​អប្សរា​ និងមាន​អគ្គនាយក​ជា​ជំនួយ​ការ​ទទួល​ខុស​ត្រូវ​ក្នុង​ការ​អនុវត្ត​ភារកិច្ច​ ទូទៅ​របស់​អគ្គនាយកដ្ឋាន​នៃ​អាជ្ញាធរ​អប្សរា​អម​ដោយ​អគ្គនាយក​រង​មួយ​ចំនួន​តាម​ការ​ចាំ​បាច់ ។

            ទីស្នាក់ការអគ្គនាយកដ្ឋានអាជ្ញាធរ​អប្សរា[7]

v រាជធានីភ្នំពេញ៖ អគារទីស្តីការគណៈរដ្ឋមន្រ្តី លេខ ៤១ សង្កាត់មិត្តភាព ខណ្ឌ៧មករា(តាមបណ្តោយមហាវិថីសហព័ន្ធរុស្សី ខាងលិចអគារវិមានមិត្តភាព)ការិយាល័យរដ្ឋបាល ៖ ជាន់ទី២ (បន្ទប់លេខ៖ E2-3)

     ទូរស័ព្ទ ៖ (៨៥៥-២៣) ៧២ ០៣ ១៥ ឬ ៧២ ១១ ៥០

     ទូរសារ ៖ (៨៥៥-២៣) ៩៩ ០១ ៨៥

v ខេត្តសៀមរាប៖ អតីតបុរីរដ្ឋបាលខេត្តសៀមរាប ស្ថិតនៅភូមិបង្កោង សង្កាត់អំពិល ក្រុងសៀមរាប

     ទូរស័ព្ទ ៖ (៨៥៥-៦៣) ៧៦ ៥៥ ៧៧ ឬ ៧៦ ៦៦ ៧៦

     ទូរសារ ៖ (៨៥៥-៦៣) ៧៦ ៥៥ ៧៦

            អគ្គនាយកដ្ឋាន​នៃ​អាជ្ញាធរ​អប្សរា​មាននាយកដ្ឋាន ដូចខាង​ក្រោម ៖

-  នាយកដ្ឋានហិរញ្ញកិច្ច និងគណនេយ្យ

-  នាយកដ្ឋានរដ្ឋបាល បុគ្គលិក និងសម្ភារៈ

-  នាយកដ្ឋានផ្សព្វផ្សាយ

-  នាយកដ្ឋានទ្រទ្រង់បចេ្ចកទេស និងគម្រោងអន្តរវិស័យ

-  នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ

-  នាយកដ្ឋានអភិរក្សប្រាសាទក្រៅឧទ្យានអង្គរ

-  នាយកដ្ឋានអភិវឌ្ឍន៍ទេសចរណ៍អង្គរ

-  នាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ

-  នាយកដ្ឋានអភិវឌ្ឍន៍កសិកម្ម និងសហគមន៍

-  នាយកដ្ឋានគ្រប់គ្រងទឹក

-  នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន

-  នាយកដ្ឋានអភិវឌ្ឍន៍វប្បធម៌ សារមន្ទីរនិងបទដ្ឋានបេតិកភណ្ឌ

-  នាយកដ្ឋានអភិវឌ្ឍន៍បេតិកភណ្ឌក្រុងក្នុងតំបន់សៀមរាប

-  នាយកដ្ឋានសណ្តាប់ធ្នាប់ និងសហប្រតិបត្តិការ

                    ២.១.២.១. នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ[8]

     នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការមានតួនាទី និងភារកិច្ចដូចតទៅ៖

-      រៀបចំធ្វើបញ្ចីសារពើភណ្ឌសមស្រប ស្តីពីប្រាសាទ និងសំណង់ប្រវត្តិសាស្រ្តក្នុងតំបន់អង្គរដែលជាបេតិកភណ្ឌពិភពលោក

-      រៀបចំផែនការមេ ស្តីពីការអភិរក្ស ការពារ ថែទាំប្រាសាទក្នុងតំបន់អង្គរដែលបើកជូភ្ញៀវទេចរចូលទស្សនា។ ផែនការមេនេះ ត្រូវមានបញ្ជូនទាំងបញ្ជី ស្តីពីស្ថានភាពប្រាសាទ ផែនទីចង្អុលកន្លែងគ្រោះថ្នាក់ និងរបាយការណ៍ទៀងទាត់ ស្តីពីស្ថានភាពនៃការអភិរក្ស

-      រៀបចំកម្មវិធី និងអនុវត្តការងារអភិរក្ស ប្រាសាទ សំណង់ប្រវត្តិសាស្រ្តក្នុងឧទ្យានអង្គរ

-      ចូលរួមរៀបចំទីលានប្រាសាទ ជាពិសេសរៀបចំប្លង់ស្ថាបត្យកម្មនៃការអភិវឌ្ឍហេដ្ឋារចនា សម្ព័ន្ធចាំបាច់នានានៅតាមទីលានជុំវិញប្រាសាទ ឲ្យសមស្របតាមបទដ្ឋាននៃការអភិរក្ស និងអភិឌ្ឍនៅក្នុងតំបន់សៀមរាប-អង្គរ

-      យកចិត្តទុកដាក់ជាប្រចាំក្នុងកិច្ចការពារ ថែទាំ ទល់ទ្រ យាមកាមប្រាសាទនានានៅក្នុងឧទ្យានអង្គរ

-      រួមចំណែកក្នុងការធ្វើវិក្រឹតការ ឬបណ្តុះបណ្តាលបុគ្គលិកបច្ចេកទេស

-      សហការជាមួយនាយកដ្ឋានរដ្ឋបាលើ បុគ្គលិក និង សម្ភារៈ គ្រប់គ្រងឆ្មាំប្រាសាទ និងកម្មករទទួលបន្ទុកបោសសំអាត និងថែទាំជាប្រចាំក្នុងបរិវេណប្រាសាទ

-      រួមចំណែកតាមសមត្ថកិច្ចរបស់នាយកដ្ឋានសមី ក្នុងការលើកតម្លៃបុរាណវិទ្យា នៃប្រាសាទនានា ដែលបានចុះបញ្ជីជាបេតោកភណ្ឌពិភពលោក

-      ពិនិត្យ និង ផ្តល់យោបល់ផ្នែកបុរាណវិទ្យាលើរាល់សំណុំឯកសារពាក់ព័ន្ធនិងទីតាំងដីធ្លី ដែលបម្រុងទុកសម្រាប់កិច្ចអភិវឌ្ឍក្នុងតំបន់សៀមរាប អង្គរ

-      ចាត់វិធានការបុរាណវិទ្យា ដើម្បីបង្ការ ឬសង្រោះក្នុងតំបន់សៀមរាប អង្គរនូវរាល់ករណីចាំបាច់

-      បង្កើតក្រុមបុរាណវិទ្យាចល័តដោយមានសម្ភារៈសមស្រប

-      រៀបចំ និងអនុវត្តនូវរាល់កម្មវិធីស្រាវជ្រាវលើវិស័យបុរាណវិទ្យា

-      ធ្វើការត្រួតពិនិត្យ និងសម្របសម្រួលតាមកាលវេលាចាំបាច់លើការដ្ឋានអន្តរជាតិនៃកម្មវិធី អភិរក្សប្រាសាទ និងបុរាណវិទ្យាក្នុងក្របខ័ណ្ឌអង្គការយូណេស្កូ ឬសហប្រតិបត្តិការអន្តរជាតិដែលស្ថិតនៅក្នុងតំបន់ក្រោម ការគ្រប់គ្រងរបស់នាយកដ្ឋាន

-      គាំទ្រសកម្មភាពសិក្សាស្រាវជ្រាវ ឬអភិរក្សប្រាសាទនៅក្នុងរមណីយដ្ឋាន និងប្រាសាទទាំងឡាយ ដែលមិនស្ថិតក្រោមការទទួលខុសត្រូវរបស់នាយកដ្ឋានអភិរក្សប្រាសាទក្រៅឧទ្យាន អង្គរ។

                        ២.១.២.២.នាយកដ្ឋានអភិវឌ្ឍន៍ទេសចរណ៍អង្គរ[9]

          នាយកដ្ឋានអភិវឌ្ឍន៍ទេសចរណ៍អង្គរ មានតួនាទីដូចទៅ៖

-      ទទួលសិក្សាទីផ្សារ ផ្សព្វផ្សាយពាណិជកម្ម និងផ្តល់ព័ត៌មានទេសចរណ៍សមស្រប និងទាន់ពេលវេលា ស្តីពីរមណីដ្ឋានអង្គរ និងប្រាសាទទាំងឡាយដែលបើកជូនភ្ញៀវទស្សនា

-      កំណត់ទិសដៅជាមួយអាជ្ញាធរមានសមត្ថកិច្ចដែលពាក់ព័ន្ធគ្រប់លំដាប់ថ្នាក់នូវទិសដៅនៃ កិច្ចអភិវឌ្ឍន៍ទេសចរណ៍សម្រាប់រយៈពេលជាមធ្យម និងរយៈពេលវែងក្នុងតំបន់សៀមរាប អង្គរ ស្របតាមគោលនយោបាយរបស់រាជរដ្ឋាភិបាលក្នុងវិស័យទេសចរណ៍

-      ជំរុញទំនាក់ទំនងកិច្ចសហប្រតិបត្តិការ ជាមួយបណ្តារដ្ឋាភិបាលជាដៃគូ និងអង្គការអន្តរជាតិ ដែលមានជំនាញក្នុងវិស័យអភិវឌ្ឍទេសចរណ៍

-      កំណត់គម្រោងវិនិយោគទេសចរណ៍ និងផ្សព្វផ្សាយរកវិនិយោគិន

-      ចូលរួមរៀបចំផែនការមេ សម្រាប់តីលានប្រាសាទ មណ្ឌលបដិសណ្ឋារកិច្ច និងហេដ្ឋារចនាសម្ព័ន្ធទេសចរណ៍

-      សិក្សា និងរៀបចំបទបញ្ញត្តិ និងវិធានការពាក់ព័ន្ធក្នុងការផ្តល់សេវាកម្មទេសចរណ៍ក្នុងឧទ្យានអង្គរ និងតាមដានអនុវត្តបទបញ្ញាត្តិ និងវិធានការទាំងនោះ

-      រៀបចំ និងគ្រប់គ្រងការផ្តល់សេវាកម្មទេសចរណ៍នៅតាមប្រាសាទនានា

-      យកចិត្តទុកដាក់ស្វែងរកចំណូលបានមកពីវិស័យទេសចរណ៍ក្នុងតំបន់អង្គរ ជាពិសេសក្នុងវិស័យសម្បទានពាណិជកម្ម ប្រកបដោយតម្លាភាព ប្រសិទ្ធភាព និងមានចំណុលខ្ពស់

-      សហការជាមួយអាជ្ញាធរមានសមត្ថកិច្ចដែលពាក់ព័ន្ធគ្រប់លំដាប់ថ្នាក់រៀបចំបណ្តុះបណ្តាល និងវិក្រឹតការមគ្គុទេសក៍ចរណ៍

-      រៀបចំអោយមានការត្រួតពិនិត្យ ជាប្រចាំលើគុណភាពសេវាកម្មទេសចរណ៍ នៅក្នុងតំបន់អង្គរ ដោយគោរពបទដ្ឋាន និងស្តង់ដារជាតិ និងអន្តរជាតិ

-      សហការជាមួយនាយកដ្ឋានផ្សព្វផ្សាយ និងនាយកដ្ឋានអភិវឌ្ឍន៍ វប្បធម៌ សារៈមន្ទី និងបទដ្ឋានបេតិកភណ្ឌ ចូលរួមផ្តល់យោបល់លើផលិតផលផ្សព្វផ្សាយទេសចរណ៍

-      ពិនិត្យ និងផ្តល់យោបល់លើសំណើសុំថតរូបភាពគ្រប់ប្រភេទសម្រាប់បម្រើឲ្យវិស័យទេសចរណ៍។

-                    ២.១.២.៣. នាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ

          នាយកដ្ឋានរៀបចំដែនដី និងគ្រប់គ្រងលំនៅដ្ឋាន ក្នុងឧទ្យានអង្គរ មានតួនាទី និងភារកិច្ចដូចតទៅ៖

-      បំពេញបេសកកម្មវិភាគ វាយតម្លៃ និងសកម្មភាពតាមដានជាប់ជាប្រចាំលើស្ថានភាពបច្ចុប្បន្ន និងទៅអនាគតនៃឧទ្យានអង្គរ ដែលជាបេតិកភណ្ឌពិភពលោក ដោយហេតុថាមានប្រជាពលរដ្ឋរស់នៅក្នុងតំបន់អង្គរប្រវត្តិសាស្ត្រនេះ

-      ចូលរួមពិនិត្យបែបបទធ្វើប័ណ្ណកាន់កាប់ និងចុះបញ្ជីដីធ្លីឲ្យសមស្របជាមួយទិន្នន័យសុរយោដីនិងតាមបទបញ្ញជាធរមាន

-      ចូលរួមគ្រប់គ្រងដោយសុវត្ថិភាព មានសមធម៌ និងគោរពដល់តម្លៃបេតិកភណ្ឌ ក្នុងការចេញប័ណ្ណអនុញ្ញាតសាងសង់

-      ពិនិត្យសំណើសុំសាងសង់ និងរៀបចំប័ណ្ណអនុញ្ញាតសាងសង់ទៅតាមបទបញ្ញាត្តិដែលមានជាធរមាន  ព្រមទាំងពិនិត្យតាមដានការសាងសង់  និងចេញលិខិតបញ្ជាក់ថាការសាងសង់នោះ ត្រឹមត្រូវតាមរបបកំណត់របស់អាជ្ញាធរអប្សរា

-      ចូលរួមរៀបចំផែនការប្រើប្រាស់ដីធ្លី និងរៀបចំមណ្ឌលសកម្មភាពតូចៗសម្រាប់អ្នកភូមិ ក្នុងតំបន់ការពារ នៃឧទ្យានអង្គរ

-      សហការជាមួយនាយកដ្ឋានពាក់ព័ន្ធក្នុងការធ្វើអង្កេតខាងផ្នែកវប្បធម៌ និងជាតិពិន្ធុវិទ្យាពីប្រជាពលរដ្ឋដែលរស់នៅក្នុងឧទ្យនអង្គរ

-      ចូលរួមក្នុងការគាំទ្រដល់ការអនុវត្តគម្រោងអភិវឌ្ឍន៍សហគមន៍

-      ចូលរួមជម្រុញការអប់រំខាងសង្គម និងការបណ្តុះបណ្តាលវិជ្ជាជីវៈនៅតាមជនបទ

-      សហការជាមួយនាយកដ្ឋានផ្សព្វផ្សាយ ធ្វើការពន្យល់ដល់ប្រជាពលរដ្ឋឲ្យយល់ដឹងពីតម្លៃបេតិកភណ្ឌ និងពីសារៈសំខាន់នៃការគោរពបេតិកភណ្ឌ ក្នុងការចាត់ចែងរាល់គម្រោងអភិវឌ្ឍន៍ក្នុងឧទ្យានអង្គរ

-      ចងក្រងឯកសារ ស្តីពីចរិកលក្ខណៈពិសេសនៃស្ថាបត្យកម្មខ្មែរបុរាណសម្រាប់ណែនាំប្រជាពលរដ្ឋ ក្នុងការរៀបចំធ្វើសំណង់ថ្មី

-      ផ្សព្វផ្សាយប្រគេនដល់ព្រះសង្ឃអោយស្គាល់ពីសារៈសំខាន់តម្លៃបេតិកភណ្ឌសាសនា ក្នុងការថែរក្សាអាគារចាស់ៗ ព្រមទាំងរូបគំនូរបុរាណដែលមាននៅតាមវត្តអារាម។

                      ២.១.២.៤. នាយកដ្ឋានអភិវឌ្ឍន៍កសិកម្ម និងសហគមន៍

          នាយកដ្ឋានអភិវឌ្ឍន៍កសិកម្ម និងសហគមន៍មានតួនាទី និងភារកិច្ចដូចតទៅ៖

-      ធ្វើការសិក្សាពិសោធន៍ ដើម្បីកំណត់ប្រភេទដី និងសក្តានុពលកសិកម្មរបស់ដីក្នុងតំបន់សៀមរាប អង្គរ

-      ផ្សព្វផ្សាយដល់កសិករនូវបច្ចេកទេសកសិកម្មតាមបែបជីធម្មជាតិ

-      ផ្តល់អនុសាសន៍ និងការគាំទ្រដលកសិករលើរាល់សកម្មភាពបង្កបង្កើនផលដោយជួយណែនាំឲ្យ ប្រើប្រាស់បច្ចេកទេសថ្មីៗ និងជួយប្រជាពលរដ្ឋឲ្យរៀបចំជាសហគមន៍

-      រួមចំណែកក្នុងការបណ្តុះបណ្តាលកសិករសម្រាប់ធ្វើកសិដ្ឋានខ្នាតតូច និងខ្នាតមធ្យមក្នុងតំបន់សៀមរាបអង្គរ និងជម្រុញការអភិវឌ្ឍកសិទេសចរណ៍ តាមតំបន់ជនបទ និងជួយរកទីផ្សារលក់កសិផល

-      ចូលរួមអនុវត្តសកម្មភាពដែលមានលក្ខណៈពហុវិស័យ នៅក្នុងគម្រោងអភិវឌ្ឍប្រកបដោយចីរភាព

-      រៀបចំអោយមានក្រុមអង្កេតប្រជាសាស្ត្រ ព្រមទាំងដាក់ឲ្យដំណើរការជាប្រចាំ

-      តាមដានការវិវត្តន៍ កំណើន និងចលនាប្រជាពលរដ្ឋ ក្នុងតំបន់សៀមរាបអង្គរ

-      វាយតម្លៃកម្រិតជីវភាព និងលទ្ធផលនៃការខិតខំប្រឹងប្រែងដែលមានធ្វើក្នុងតំបន់សៀមរាបអង្គរសំដៅកាតបន្ថយភាពក្រីក្រ

-      ទំនាក់ទំនង និងសម្របសម្រួលការអនុវត្តគម្រោងអភិវឌ្ឍន៍សហគមន៍ ដែលពាក់ព័ន្ធនឹងសមត្ថកិច្ចរបស់អាជ្ញាធរអប្សរាក្នុងតំបន់អង្គរ

-      ផ្តល់ការគាំទ្រដល់ប្រជាពលរដ្ឋ ដោយធ្វើកិច្ចសហប្រតិបត្តិការជាមួយនាយកដ្ឋានពាក់ព័ន្ធនានាចំណុះអាជ្ញាធរអប្សរា។

                        ២.១.២.៥. នាយកដ្ឋានគ្រប់គ្រងទឹក

            នាយកដ្ឋានគ្រប់គ្រងទឹក មានតួនាទី និងភារកិច្ចដូចតទៅ៖

-      បង្កើតប្រព័ន្ធតាមដានស្វ័យប្រវត្តិអំពីទឹកនៅលើដី

-      ធ្វើការវាស់វែងធារទឹក ទៅតាមបណ្តាផ្លូវទឹក

-      ស្រាវជ្រាវ និងជួសជុលឡើងវិញ នូវប្រព័ន្ធទឹកបុរាណក្នុងករណីចាំបាច់

-      សិក្សាស្រាវជ្រាវរកប្រភពទឹកថ្មី

-      ស្រាវជ្រាវរកដំណោះស្រាយផ្សេងៗ ដើម្បីចាត់ចែង ប្រើប្រាស់ទឹកនៅលើដី សម្រាប់ជួយកាត់បន្ថយការប្រើប្រាស់ទឹកនៅក្រោមដី

-      បង្កើតប្រព័ន្ធតាមដានស្វ័យប្រវត្តិ អំពីទឹកក្រោមដី តាមដានកម្ពស់ទឹកក្រោមដី និងធ្វើផែនទីខ្សែកម្ពស់ទឹកក្រោមដីតាមរដូវកាល

-      តាមដានគុណភាពទឹកក្រោមដី និងធ្វើផែនទីអំពីការវិវត្ត

-      រកវិធានការដើម្បីកាត់បន្ថយការប្រើប្រាស់ទឹកក្រោមដី

-      កំណត់ទីតាំងប្រព័ន្ធធារាសាស្ត្របុរាណ ដើម្បីធ្វើការថែរក្សា ឬជួសជុលឡើងវិញ

-      តម្លើងស្ថានីយឧតុនិយមសម្រាប់ប្រមូលទិន្នន័យនៅក្នុងផ្ទៃរងទឹកភ្លៀងនៅក្នុងតំបន់

-      តម្លើងប្រព័ន្ធតាមដានគុណភាពខ្យល់សមស្រប និងអចិន្ត្រៃយ៍

-      បង្កើតប្រព័ន្ធទិន្នន័យគុណភាពខ្យល់តាមបែបវិទ្យាសាស្ត្រ

-      ផ្តល់ព័ត៌មានដល់អាជ្ញាធរមានសមត្ថកិច្ច ពីហានិភ័យ ដែលកើតមានឡើងដោយការបំពុលបរិយាកាស

-      លើកសំណើដំណោះស្រាយ សម្រាប់ធានាការជួយទ្រទ្រង់សុខភាព និងសុខមាលភាពសាធារណៈ និងជាសុវត្ថិភាពរបស់ប្រាង្គប្រាសាទសហការជាមួយនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននូវរាល់សកម្មភាពណាដែលចាំបាច់ពាក់ព័ន្ធ។

                        ២.១.២.៦. អាជ្ញាធរដើម្បីការពាររមណីយដ្ឋាន និងរៀបចំតំបន់អង្គរ

            នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថានមានតួនាទី និងភារកិច្ចដូចតទៅ៖

-      គ្រប់គ្រងព្រៃឈើ ដែលស្ថិតនៅក្រោមសមត្ថកិច្ច របស់អាជ្ញាធរអប្សរា

-      បង្ការរាល់បទល្មើសព្រៃឈើ ដោយស្នើសុំការអន្តរាគមន៍ពីអាជ្ញាធរមានសមត្ថកិច្ច និងកងកម្លាំងប្រដាប់អាវុធ

-   រៀបចំដាំដើមឈើឡើងវិញ តាមតម្រូវការ និងសមស្រមតាមបញ្ជីសារពើភណ្ឌព្រៃ និងដីព្រៃ

-   រៀបចំបណ្តុះកូនឈើ និងផ្តល់ជូនប្រជាពលរដ្ឋ ដើម្បីលើកទឹកចិត្តក្នុងការដាំដើមឈើឡើងវិញ

- រៀបចំបង្កើតស្ថានីយបណ្តុះកូនឈើ សួនផ្កា សួនរុក្ខជាតិហូបផ្លែ សួនរុក្ខជាតិឱសថ និងសួនបូតានិក

-    ធ្វើឲ្យប្រសើឡើង នូវការងារអភិរក្សទេសភាពវប្បធម៌នៅក្នុងឧទ្យានអង្គរ

-   លើកតម្លៃទេសភាពវប្បធម៌ និងធម្មជាតិដែលមានទំនាក់ទំនងនឹងប្រពៃណីប្រវត្តិសាស្រ្តខ្មែរ

-      យកចិត្តទុកដាក់ការពារ ថែរក្សាទេសភាពធម្មជាតិ

-      លើកតម្លៃទេសភាពធម្មជាតិដោយភ្ជាប់ជាមួយនឹងប្រពៃណីប្រវត្តិសាស្រ្តខ្មែរ

-      ចូលរួមការងារអភិរក្សសត្វ និងរុក្ខជាតិក្នុងតំបន់សៀមរាប-អង្គរ

-      សិក្សាស្រាវជ្រាវអំពីផលប៉ះពាល់ពីការបំពុលបរិស្ថាន ជាពិសេសផលប៉ះពាល់ដែលកើតចេញពីការប្រើប្រាស់ផលិតផលគីមី

-      គ្រប់គ្រងអង្គភាពការពារបរិស្ថានតាមស្តង់ដា ISO ១៤០០១ សហការជាមួយ នាយកដ្ឋានគ្រប់គ្រងទឹក នូវរាល់សកម្មភាពណាដែលចាំបាច់ និងពាក់

                        ២.១.២.៧. នាយកដ្ឋានសណ្តាប់ធ្នាប់ និងសហប្រតិបត្តិការ

            នាយកដ្ឋានសណ្តាប់ធ្នាប់ និងសហប្រតិបត្តិការ មានតួនាទី និងភារកិច្ចដូចតទៅ៖

-      រក្សាសណ្តាប់ធ្នាប់ និងសន្តិសុខដែលពាក់ព័ន្ធក្នុងប្រាសាទ ក្នុងទីលានជុំវិញប្រាសាទ និងរមណីដ្ឋាននានាក្នុងឧទ្យានអង្គរ និងឧទ្យានដទៃទៀត ដែលស្ថិតក្រោមការគ្រប់គ្រងរបស់អាជ្ញាធរអប្សរា

-      ប្រមូលផ្តុំនិងចងក្រងនូវរាល់ព័ត៌មាន និងទិន្នន័យស្តីពីបទល្មើសពាក់ព័ន្ធនានា ដូចជា ការកាប់បំផ្លាញព្រៃឈើ កាន់កាប់ដីព្រៃដោយខុសច្បាប់ និងការសាងសង់ដោយគ្មានការអនុញ្ញាតនៅក្នុងតំបន់ការពារ

-      អប់រំប្រជាពលរដ្ឋអោយចូលរួមកាត់បន្ថយអំពើល្មើសច្បាប់ទាំងនេះ

-      សហការជាមួយមេធាវីរាជរដ្ឋាភិបាល អ្នកច្បាប់នៃទីស្តីការគណៈរដ្ឋមន្ត្រី និងសមត្ថកិច្ចពាក់ព័ន្ធ ដើម្បីអនុវត្តតួនាទី និងភារកិច្ច របស់នាយកដ្ឋាន

-      សហប្រតិបត្តិការជាមួយអាជ្ញាធរមានសមត្ថកិច្ចពាក់ព័ន្ធគ្រប់លំដាប់ថ្នាក់ និងបណ្តាជាមួយនាយកដ្ឋានរបស់អគ្គនាយកដ្ឋាននៃអាជ្ញាធរអប្សរា ដើម្បីក្តាប់បានផែនការមេនៃតំបន់ទាំង៥ ដែលស្ថិតក្រោមការទទួលខុសត្រូវរបស់អាជ្ញាធរអប្សរា ហើយលើផែនការអន្តរាគមន៍ និងវិធានការទប់ស្កាត់នៅតាមគោលដៅនានាដែលបានកំណត់ និងការពារបាននូវសម្បត្តិបេតិកភណ្ឌ

-      សហការយ៉ាងសកម្ម និងជាអចិន្ត្រៃយ៍ក្រោមការសម្របសម្រួលរបស់អភិបាលខេត្តសៀមរាប ជាមួយអាជ្ញាធរមានសមត្ថកិច្ចពាក់ព័ន្ធទាំងអស់ ដើម្បីទប់ស្កាត់ ការកាប់បំផ្លាញព្រៃឈើ ការទន្ទ្រានយកដី សំណង់ខុសច្បាប់ក្នុងតំបន់សៀមរាប អង្គរ ក៏ដូចជាតំបន់ផ្សេងៗដែលស្ថិតក្រោមការទទួលខុសត្រូវរបស់អាជ្ញាធរអប្សរា

-      សហការជាមួយកម្លាំងនគរបាលបេតិកភណ្ឌ ដើម្បីបញ្ឈប់ និងបំបាត់សកម្មភាពលួចជីកកកាយ និងការជួញដូរវត្ថុបុរាណខុសច្បាប់ និងតំបន់ដទៃទៀតដែលស្ថិតក្រោមការទទួលខុសត្រូវរបស់អាជ្ញាធរអប្សរា

-      សហការជាមួយនគរបាលទេសចរណ៍ លើរាល់បញ្ហាពាក់ព័ន្ធនឹងសន្តិសុខភ្ញៀវជាតិ និងអន្តរជាតិក្នុងតំបន់សៀមរាប អង្គរ និងតំបន់ដទៃទៀតដែលស្ថិតក្រោមការទទួលខុសត្រូវរបស់អាជ្ញាធរអប្សរា។

                        ២.១.២.៨. នាយដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ

     នាយដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ មានតួនាទីនិងភារៈកិច្ចដូចតទៅ៖

-      យកចិត្តទុកដាក់ការពាររូបភាពនៃប្រាសាទអង្គរ ដែលជានិមិត្តរូបជាតិ និងជាបេតិកភណ្ឌពិភពលោកដោយចូលរួមតាមដានឲ្យបានហ្មត់ចត់លើសកម្មភាព  ថតរូប ថតវីដេអូ និងភាពយន្ត

-      យកចិត្តទុកដាក់ណែនាំឲ្យសាធារណៈជនបានស្គាល់ពីអារិយធម៌ខ្មែរ តាមរយៈអត្ថបទ ឬសៀវភៅផ្សព្វផ្សាយពីអង្គរ ព្រមទាំងសៀវភៅមគ្គុទេសក៍

-      ចូលរួមធានានូវការគ្រប់គ្រងមានតុល្យាភាព តម្លាភាព និងមានចំណូលខ្ពស់ ពីព្រឹត្តិការវប្បធម៌ សិល្បៈ មហោស្រព និងពិធីនានា ដែលបានប្រារព្ធធ្វើក្នុងតំបន់សៀមរាប អង្គរ

-      ចូលរួមធ្វើវិក្រឹតការ និងបណ្តុះបណ្តាលបុគ្គលិកសម្រាប់គ្រប់គ្រងព្រឹត្តិការណ៍ និងពិធីនានាឲ្យបានល្អ

-      ចូលរួមផ្តល់យោបល់លើទិដ្ឋភាពនៃការលើកតម្លៃបេតិកភណ្ឌវប្បធម៌ក្នុងការរៀបចំផលិតអាវយឺតរូបថត ប្លង់ ក្នុងការថតចម្លងស្នាដៃសិល្បៈនានា សម្រាប់ធ្វើពាណិជ្ជកម្ម នៅក្នុងតំបន់អង្គរនៅទូទាំងប្រទេសកម្ពុជា ក៏ដូចជាបរទេស

-      ចូលរួមបង្កើនការយល់ដឹងថ្នាក់ជាតិ និងថ្នាក់អន្តរជាតិ ស្តីពីតម្លៃ និងចរិកលក្ខណៈពិសេសដែលធ្វើ ឲ្យអង្គរបានចុះឈ្មោះក្នុងបញ្ជីបេតិកភណ្ឌពិភពលោក របស់យូណេស្កូ

-      សហការជាមួយនាយកដ្ឋានផ្សព្វផ្សាយ អភិវឌ្ឍន៍ការផ្សព្វផ្សាយជាលក្ខណៈវប្បធម៌ឲ្យបានទូលាយ ដោយប្រើប្រាស់បច្ចេកទេស និងមធ្យោបាយសមស្រប ស្តីពីប្រាសាទទាំងឡាយនៅក្នុងតំបន់សៀមរាប អង្គរ ដល់សាធារណៈជន

-      ចូលរួមរៀបចំផែការមេ អំពីសម្ភារៈបរិក្ខាសម្រាប់បដិសណ្ឋាកិច្ច និងណែនាំភ្ញៀវ និងរួមចំណែកកសាងទីលានប្រាសាទ បំពាក់សម្ភារៈបរិក្ខារសមស្រប ដោយផ្អែកលើលទ្ធផល អង្កេតភ្ញៀវ

-      ចូលរួមរៀបចំកែលម្អផ្លូវចេញចូលនៅចន្លោះទីលានប្រាសាទ និងប្រាសាទដែលបើកជូនភ្ញៀវចូលទស្សនា ដោយលើកតម្លៃទីលានជុំវិញប្រាសាទតាមរយៈការរៀបចំបង្ហាញបេតិកភណ្ឌវប្បធម៌ សមស្រប និងទាក់ទាញភ្ញៀវទេសចរ ដោយប្រើប្រាស់បច្ចេកវិទ្យាជឿនលឿន

-      អនុវត្តកម្មវិធីដាក់តាំង និងអភិវឌ្ឍន៍វត្ថុបុរាណក្នុងសារមន្ទីរដែលរៀបចំឡើងដោយអាជ្ញាធរអប្សរាឲ្យបានល្អ

-      យកចិត្តទុកដាក់អនុវត្តតាមបទដ្ឋាន យូណេស្កូ និងក្រុមប្រឹក្សាអន្តរជាតិនៃសារមន្ទីរ និងទំនាក់ទំនងរកជំនាញការកម្រិតខ្ពស់ ដើម្បីជួយផ្តល់យោបល់លើ វិធីរៀបចំស្តីពីស្ថាបត្យកម្មក្នុងអាគារ និងការដាក់តាំងបង្ហាញ

-      ធ្វើបញ្ជីសារពើភណ្ឌ័ សៀវភៅកាតាឡុកនៃវត្ថុដាក់តាំង និងសៀវភៅមគ្គុទេសក៏ស្របតាមបទដ្ឋានស្តង់ដារនិងអនុសាសន៍ដែលបានអនុម័តជាសកល

-      យកចិត្តទុកដាក់គោរពបទដ្ឋាន និងស្តង់ដារ ស្តីពីបេតិកភណ្ឌវប្បធម៌ ដែលកំពុងមានជាធរមាន

-      ចូលរួមរៀបចំបទប្បញ្ញត្តិ ស្តីពីការគ្រប់គ្រងសកម្មភាពទាំងឡាយ ដែលអនុវត្តនៅក្នុងឧទ្យានអង្គរ

-      ធ្វើទំនាក់ទំនងជាមួយក្រសួង-ស្ថាប័ន អង្គការជាតិ និងអន្តរជាតិ ដែលពាក់ពន្ធ័អាជ្ញាធរអប្សរា។

                        ២.១.២.៩. នាយកដ្ឋានអភិវឌ្ឍន៍បេតិកភណ្ឌក្រុងក្នុងតំបន់សៀមរាប

            នាយកដ្ឋានអភិវឌ្ឍន៍បេតិកភណ្ឌក្រុងក្នុងតំបន់សៀមរាប មានតួនាទី និងភារៈកិច្ចដូចតទៅ៖

-      ទទួលបន្ទុកផ្តល់ជំនួយបច្ចេកទេសជូនអភិបាលខេត្តសៀមរាប ក្នុងនាមអគ្គនាយកអាជ្ញាធរអប្សរា លើការងារពាក់ព័ន្ធ និងចាំបាច់ក្នុងក្របខ័ណ្ឌសមត្ថកិច្ចរបស់នាយកដ្ឋាន

-      រក្សាតុល្យភាព រវាងការចាំបាច់ក្នុងកិច្ចការអភិវឌ្ឍន៍ដែលកើតឡើងពីការរីកធំរបស់ទីក្រុង និង តំបន់រណប នៃតំបន់សៀមរាប អង្គរ ជាមួយនឹងការអភិរក្សបេតិកភណ្ឌវប្បធម៌ និងបរិស្ថាន

-      ចូលរូមរៀបចំប្លង់មេ នៃការអភិវឌ្ឍទីរួមខេត្តសៀមរាប និងរៀបចំប្លង់លម្អិតនៃតំបន់សៀមរាប អង្គរ ដោយសហការជាមួយអាជ្ញាធរដែនដី និងមន្ទីរពាក់ព័ន្ធ

-      ចូលរួមរៀបចំការកំណត់ទិសដៅបទដ្ឋាន និងនីតិវិធីក្នុងការប្រើប្រាស់ដីព្រមទាំងបទដ្ឋានក្នុងការ សាងសង់នៅទីរួមខេត្តសៀមរាប និងតំបន់រណបដោយសហការជាមួយអាជ្ញាធរ ដែនដីនិងមន្ទីរពាក់ព័ន្ធនានា

-      ពិនិត្យសំណុំឯកសារសាងសង់ ឬសុំរុះរើសំណង់ក្នុងទីរួមខេត្ត និងតំបន់រណបនៃតំបន់សៀមរាប អង្គរ ដោយអនុលោមតាមនីតិវិធី និងបទប្បញ្ញត្តិជាធរមាន

-      ចូលរូមសិក្សារៀបចំប្លង់លម្អិតក្នុងតំបន់ដែលមានលក្ខណៈជាក្រុង នៃតំបន់សៀមរាបដោយសហការជាមួយអាជ្ញាធរដែនដី និងមន្ទីរពាក់ព័ន្ធនានា

-      កំណត់រាល់តំបន់ដែលត្រូវធ្វើការរៀបចំ ដើម្បីបម្រើផលប្រយោជន៍សាធារណៈ ស្របតាម បទដ្ឋាននៃការអភិរក្ស និងអភិវឌ្ឍ នៅក្នុងតំបន់សៀមរាប អង្គរ

-      ចូលរូមរចនាសម្ព័ន្ធ សម្រាប់ផ្តល់ព័ត៌មានបដិសណ្ឋាកិច្ច និងណែនាំភ្ញៀវក្នុងទីរួមខេត្តសៀមរាប

-      ធានាការពារបេតិកភណ្ឌក្រុងក្នុងតំបន់សៀមរាប ជាពិសេស វត្តអារាមពុទ្ធសាសនា ដែលមានលក្ខណៈប្រវត្តិសាស្រ្ត លំនៅដ្ឋានប្រពៃណី និងអគារស្ថាបត្យកម្មទំនើបដែលមានតំលៃបេតិកភណ្ឌ។

-                        ២.១.២.១០. នាយកដ្ឋានអភិរក្សប្រាសាទក្រៅឧទ្យានអង្គរ

            នាយកដ្ឋានអភិរក្សប្រាសាទក្រៅឧទ្យានអង្គរ មានតួនាទី និងភារកិច្ចដូចតទៅ៖

-      ទទួលបន្ទុករមណីដ្ឋានបុរាណវិទ្យា និងប្រវត្តិសាស្រ្តនានាដែលស្ថិតនៅក្រៅឧទ្យានអង្គរ ហើយត្រូវបានដាក់នៅក្រោមការគ្រប់គ្រងរបស់អាជ្ញាធរអប្សរា ដូចជា កោះកែរ បេងមាលា  ចៅស្រីវិបុល ក្បាលស្ពាន និងប្រាសាទដទៃទៀតដែលត្រូវប្រគល់ជូនតាមសេចក្តីសម្រេច របស់ប្រធានអាជ្ញាធរអប្សរា

-      ធ្វើស្ថិតិ ធ្វើការពិពណ៌នា និងចុះបញ្ជីសារពើភណ្ឌរាល់ប្រាង្គប្រាសាទ និងរមណីយដ្ឋានប្រវត្តិសាស្រ្តដែលស្ថិតនៅក្រៅឧទ្យានអង្គរ និងក្រោមការគ្រប់គ្រងរបស់អាជ្ញាធរអប្សរា

-      រៀបចំផែនការកម្មវិធី និងសម្របសម្រួលការអនុវត្តគម្រោងថែទាំ និងការថែរក្សាផ្នែកស្ថាបត្យកម្មនៃរមណីដ្ឋានទាំងនោះ

-      រៀបចំកម្មវិធីគ្រប់គ្រងតំបន់ និងរមណីដ្ឋានទាំងនោះ ដោយចីរភាព

-      ថែទាំទល់ទ្រ និងយាមកាម ប្រាសាទនានានៃរមណីដ្ឋានទាំងនោះ

-      ត្រួតពិនិត្យ និងសម្របសម្រួលតាមកាលវេលាចាំបាច់ លើការដ្ឋានអន្តរជាតិនៃកម្មវិធី អភិរក្សប្រាសាទក្នុងក្របខ័ណ្ឌអង្គការអង្គការយូណេស្កូ ឬសហប្រតិបត្តិការអន្តរជាតិ ដែលស្ថិតនៅក្នុងតំបន់របស់នាយកដ្ឋានទទួលបន្ទុក

-      រៀបចំផែនការ កម្មវិធី សម្របសម្រួល និងអនុវត្តគម្រោងលើតម្លៃប្រាសាទទាំងឡាយ និងផ្នែកផ្សេងៗនៃប្រាសាទក្រៅឧទ្យានអង្គរ

-      រៀបចំទីលាននៅជុំវិញប្រាសាទក្រៅឧទ្យានអង្គរ និងក្រោមការគ្រប់គ្រងរបស់អាជ្ញាធរអប្សរា

-      កសាង និងគ្រប់គ្រងទីលានប្រាសាទ និងសម្ភារៈបរិក្ខាបដិសណ្ឋារកិច្ចសម្រាប់ប្រាសាទស្ថិតនៅក្រៅឧទ្យានអង្គរ និងក្រោមការគ្រប់គ្រងរបស់អាជ្ញាធរអប្សរា

គ្រប់គ្រងឲ្យបានល្អនូវរចនាសម្ព័ន្ធ បដិសណ្ឋារកិច្ចទេសចរណ៍តាមប្រាសាទស្ថិតនៅក្រៅឧទ្យានអង្គរ និងក្រោមការគ្រប់គ្រងរបស់អាជ្ញាធរអប្សរា។

                        ២.១.២.១១. នាយកដ្ឋានរដ្ឋបាល បុគ្គលិក និង សម្ភារៈ

            នាយកដ្ឋានរដ្ឋបាល បុគ្គលិក និង សម្ភារៈ មានតួនាទីដូចតទៅ៖

-      គ្រប់គ្រង និងការងារបែងចែកលិខិតចូល ការងារគ្រប់គ្រងចរាចរណ៍លិខិតផ្ទៃក្នុង ការតម្កល់ឯកសារ និងបែងចែកលិខិតចេញឲ្យបានទាន់ពេលវេលា មានតម្លាភាព សុវត្ថិភាព និងប្រសិទ្ធភាព

-      គ្រប់គ្រងបទដ្ឋានរដ្ឋបាល រួមមាន ការរៀបចំលិខិតឆ្លើយតប និងលិខិតអនុញ្ញាតផ្សេងៗឲ្យស្របទៅតាមបទដ្ឋានរដ្ឋបាល និងពិនិត្យអំពីអនុលោមភាពនៃបទដ្ឋានទៅលើលិខិត និងអត្ថបទទាំងឡាយរបស់អគ្គនាយកនៃអាជ្ញាធរអប្សរា មុននឹងផ្ញើចេញទៅស្ថាប័នខាងក្រៅ

-      សិក្សា និងរៀបចំលក្ខខណ្ឌរដ្ឋបាល និងស្ថាប័នដើម្បីធានាការគ្រប់គ្រងត្រារបស់អាជ្ញាធរអប្សរា ប្រកបដោយតម្លាភាព ប្រសិទ្ធភាព និងស្របតាមបទដ្ឋានជាធរមានអំណាចសាធារណៈ

-      គ្រប់គ្រង និងសម្របសម្រួលការផ្តល់សេវាកម្មនានា ដែលស្ថិតនៅក្រោមសមត្ថកិច្ចអាជ្ញាធរអប្សរា តាមយន្តការសមស្រប

-      សហការជាមួយនាយកដ្ឋានពាក់ព័ន្ធ រៀបចំសិក្ខាសាលា ពិធីសម្ភោធ និងពិធីបុណ្យផ្លូវការរបស់អគ្គនាយកអាជ្ញាធរអប្សរា

-      ដោយសហការជាមួយនាយកដ្ឋានពាក់ព័ន្ធ រៀបចំផែនការមេរបស់អគ្គនាយកអាជ្ញាធរអប្សរាក្នុងការអភិរក្ស និងអភិវឌ្ឍតំបន់សៀមរាប អង្គរ

-      គ្រប់គ្រងសំណុំបែបបទ និងនីតិវិធីរដ្ឋបាលដែលពាក់ព័ន្ធនឹងការគ្រប់គ្រងបុគ្គលិក និងមន្ត្រីរាជការរបស់អគ្គនាយកអាជ្ញាធរអប្សរា

-      រៀបចំជាមួយនាយកដ្ឋាននានានូវកម្មវិធី ស្តីពីការកំណត់តំណែងឯកទេស និងការបែងចែកធនធានមនុស្ស និង កម្មវិធីបណ្តុះបណ្តាល វិជ្ជាជីវៈដល់មន្ត្រីរាជការ និងបុគ្គលិក

-      រៀបចំជ្រើសរើសបុគ្គលិក និងរៀថបចំតារាងប្រាក់ឧបត្ថម្ភ សម្រាប់ការងារនីមួយរបស់មន្ត្រីរាជការ និងបុគ្គលិកតាមសេចក្តីសម្រេចរបស់ប្រធានអាជ្ញាធរអប្សរា

-      សហការជាមួយអាជ្ញាធរខេត្តសៀមរាប និងស្ថាប័នពាក់ព័ន្ធ ទទួលបន្ទុកលើការងារពិធីការ និងមគ្គុទេសក៍ទេសចរណ៍សម្រាប់បម្រើដល់គណៈប្រតិភូជាតិ និងអន្តរជាតិសំខាន់ៗ ដែលអញ្ជើញមកទស្សនានៅតំបន់សៀមរាប អង្គរ

-      សហការជាមួយនាយកដ្ឋានហិរញ្ញកិច្ច និងគណនេយ្យ លើការងារលទ្ធកម្មសាធារណៈដែលពាក់ព័ន្ធនឹងការងារផ្គត់ផ្គង់សម្ភារៈប្រចាំខែ ត្រីមាស ឆមាស និងប្រចាឆ្នាំ ព្រមទាំងសម្រាប់ការងារចាំបាច់បន្ទាន់របស់នាយកដ្ឋាននានា

-      គ្រប់គ្រងផ្គត់ផ្គង់ប្រេងឥន្ធនៈ សម្ភារៈ និងបរិក្ខាផ្សេងៗ ជូននាយកដ្ឋាន និងអង្គភាពនានា

-      ទទួលបន្ទុកការងារថែទាំ ជួសជុលអគារការិយាល័យ គ្រឿងបរិក្ខា និងមធ្យោបាយដឹកជញ្ជូនរបស់អាជ្ញាធរអប្សរា

-      រៀបចំបញ្ជីសារពើភណ្ឌ សម្ភារៈ បរិក្ខា និងមធ្យោបាយដឹកមធ្យោបាយដឹកជញ្ជូនរបស់អាជ្ញាធរអប្សរា

-      ធ្វើរបាយការណ៍សរុប ស្តីបីសកម្មភាពការងាររបស់អគ្គនាយកដ្ឋាននៃអាជ្ញាធរអប្សរា ប្រចាំខែ ត្រីមាស ឆមាស ៩ខែ ប្រចាំឆ្នាំ និងរបាយកាណ៍ស្តីពីសកម្មភាព និងវិធានការបន្ទាន់ជូនអគ្គនាយក និងប្រធានអាជ្ញាធរអប្សរា។

                        ២.១.២.១២. អាជ្ញាធរដើម្បីការពាររមណីយដ្ឋាន និងរៀបចំតំបន់អង្គរ

            នាយកដ្ឋានហិរញ្ញកិច្ច និងគណនេយ្យមានតួនាទី និងភារកិច្ចដូចតទៅ៖

-      រៀបចំគម្រោងថវិកាប្រចាំឆ្នាំ ឬគម្រោងស្នើសុំថវិកាសម្រាប់កិច្ចអន្តរាគមន៍បន្ទាន់ដោយសហការជាមួយនាយកដ្ឋាននានា អង្គរភាព ឬក្រុមការងារដែលពាក់ព័ន្ធ

-      រៀបចំរបាយការណ៍ហិរញ្ញវត្ថុ ប្រចាំខែ ត្រីមាស ឆមាស ៩ខែ និងប្រចាំឆ្នាំរបស់អាជ្ញាធរអប្សរា

-      ធ្វើរបាយណ៍ហិរញ្ញវត្ថុ ស្តីពីចំណូលចំណាយរបស់អគ្គនាយកកដ្ឋាននៃអាជ្ញាធរអប្សរាជូន អគ្គនាយក ជូនប្រធានអាជ្ញាធរអប្សរា និងជូនរដ្ឋមន្រ្តី ក្រសួងសេដ្ឋកិច្ច និងហិរញ្ញវត្ថុ

-      តាមដាន និងត្រួតពិនិត្យប្រាក់ចំណូលគ្រប់ប្រភេទរបស់អាជ្ញាធរអប្សរា

-      រៀបចំគម្រោងថវិការ ជាមួយបណ្តាលនាយកដ្ឋាន អង្គភាព និងក្រុមការងារទាំងឡាយនៃអាជ្ញាធរអប្សរាដើម្បីដាក់សុំការសម្រេចពីអគ្គនាយក និងប្រធានអាជ្ញាធរអប្សរា មុនការអនុវត្តចំណាយ

-      តាមដាន និងពិនិត្យចំនួនប្រាក់ និងរតនភ័ណ្ឌ ដែលមានផ្ញើរនៅធានាគារ

-      អនុវត្តការប្រើកប្រាក់ឧបត្ថម្ភ ឬប្រាក់បំណាច់ផ្សេងៗជូនមន្ត្រីរាជការ និងបុគ្គលិកគ្រប់ប្រភេទតាមការកំណត់របស់ប្រធានអាជ្ញាធរអប្សរា

-      កាន់កាប់បញ្ជីគណនេយ្យទូទៅរបស់អាជ្ញាធរអប្សរា និងបញ្ជីគណនេយ្យនៃប្រតិបត្តិការហិរញ្ញវត្ថុផ្សេងៗឲ្យមានតម្លាភាព និងគណនេយ្យភាព ដោយតម្កល់ទុកនូវឯកសារដើមបញ្ជាក់ពីចំណូលនិងចំណាយ។

                        ២.១.២.១៣. នាយកដ្ឋានផ្សព្វផ្សាយ

            នាយកដ្ឋានផ្សព្វផ្សាយមានតួនាទី និងភារកិច្ចដូចតទៅ៖

-      ទទួលបន្ទុកការងារផ្សព្វផ្សាយរបស់អាជ្ញាធរអប្សរា ជូនសារធារណៈជន អ្នកសារព័ត៌មាន វិទ្យុ ទូរទស្សន៍

-      រៀបចំព័ត៌មាន ស្តីពីសកម្មភាព និងគម្រោងនានារបស់អាជ្ញាធរអប្សរា ដោយសហការជាមួយនាយកដ្ឋាន អង្គភាព និងក្រុមកាងារដែលពាក់ព័ន្ធ និងផ្សព្វផ្សាយជូនសារធារណៈ ជន អ្នកសារព័ត៌មាន វិទ្យុ ទូរទស្សន៍

-      រៀបចំយុទ្ធនាការឃោសនា ផ្សព្វផ្សាយ ជូនសិស្សានុសិស្ស ប្រជាពលរដ្ឋនៅតាមសហគមន៍ ភូមិ ឃុំ ស្រុក នៅខេត្ត  និងតំបន់ ពាក់ព័ន្ធ និងព្រហសង្ឃនៅតាមវត្តអារាម ឲ្យបានយល់ពីការការពារ និងលើកតម្លៃបេតិកភណ្ឌពិភពលោក

-      រៀបចំ និងគ្រប់គ្រង់ព្រឹត្តិបត្រព័ត៌មាន និងគេហទំព័រ (Website) របស់អគ្គនាយកដ្ឋាននៃអាជ្ញាធរអប្សរា

-      សហការជាមួយនាយកដ្ឋានពាក់ព័ន្ធ សម្រប់សម្រួលរៀបចំ និងបោះពុម្ភផ្សាយព្រឹត្តិបត្រ សៀវភៅ ក្រដាស់ផ្នត់ និងសំភារៈផ្សព្វផ្សាយគ្រប់ប្រភេទរបស់អាជ្ញាធរអប្សរា ដូចជា ផ្ទាំងរូបភាព អាវយឺត ក្រដាស់ផ្នត់ជាដើម ដើម្បីឲ្យសារធារណៈជនបានយល់ដឹងពីតម្លៃ និងសារៈសំខាន់ នៃបេតិកភណ្ឌវប្បធម៌អង្គរ

-      សហការជាមួយនាយកដ្ឋានហិរញ្ញកិច្ច និងគណនេយ្យ ចំពោះនីតិវិធីលទ្ធកម្មសាធារណៈក្នុងការបោះពុម្ពផ្សាយ។

-                        ២.១.២.១៤. នាយកដ្ឋានទ្រទ្រង់បច្ចេកទេស និងគម្រោងអន្តរវិស័យ[10]

            នាយកដ្ឋានទ្រទ្រង់បច្ចេកទេស និងគម្រោងអន្តរវិស័យ មានតួនាទី និងភារកិច្ចដូចតទៅ៖

-      គាំទ្របច្ចេកទេសដោយផ្តល់នូវសេវាកម្មឯកទេស ទិន្នន័យឯកសារ និងឧបករណ៍បច្ចេកទេស    សំខាន់ៗដែលមានលក្ខណៈអន្តរវិស័យដល់បណ្តាលនាយកដ្ឋាន ដើម្បីអនុវត្តគម្រោងផ្សេងៗ    តាមការចាំបាច់របស់ខ្លួន

-      គ្រប់គ្រង់និង ថែទាំផ្នែកបច្ចេកទេស លើសម្ភារៈបរិក្ខារឯកទេស សម្រាប់ប្រើប្រាស់រួមក្នុងអគ្គ នាយដ្ឋាននៃអាជ្ញាធរអប្សរា

-      គ្រប់គ្រង់មណ្ឌលអន្តរជាតិតម្តល់ឯកសារ តម្តល់ទិន្នន័យ និងប្រព័ន្វព័ត៌មានភូមិសាស្រ្ត (GIS)

-      រៀបចំឯកសារបច្ចេកទេស សម្រាប់គម្រោងជុសជុល និងកសាងផ្លូវថ្នល់ និងស្ពាន

-      ប្រមូលផ្តុំព័ត៌មាន និងទិន្នន័យមីននៅតំបន់អង្គរ និងតំបន់ដទែទៀត ដែលស្ថិតនៅក្រោមការ     គ្រប់គ្រង់របស់អាជ្ញាធរអប្សរា

-      សហការជាមួយនាយកដ្ឋានពាក់ព័ន្វ រៀបចំឯកសារសិក្សាគម្រោង រៀបចំសំណើសុំការអនុម័ត គម្រោងរៀបចំឯកសារជំនួយស្មារតី  ឬអនុស្សារណៈយោគយល់ និងរៀបចំកិច្ចព្រមព្រៀងស្តីពី  កម្មវិធីគម្រោងមានលក្ខណៈអន្តរវិស័យ ឬមានភារកិច្ចពាក់ព័ន្ធជាមួយដៃគូអភិវឌ្ឍន៍អន្តរជាតិ

-      គាំទ្រដល់ការដាក់ឲ្យដំណើរការកម្មវិធី និងគម្រោងនានាដែលមានលក្ខណៈអន្តរវិស័យ

-      រៀបចំតារាងតាមដាន និងវាយតម្លៃគម្រោងអន្តរវិស័យ និងធ្វើរបាយការណ៍ជូនអគ្គនាយក និងប្រធានអាជ្ញាធរអប្សរា។

            ២.២. ធនធាន និងហិរញ្ញវត្ថុរបស់អាជ្ញាធរអប្សរា

អាជ្ញាធរអប្សរា ជាគ្រឹះស្ថានមានលក្ខណៈរដ្ឋបាល និងមានបុគ្គលភាពគតិយុត្ត ព្រម​ទាំង មានស្វ័យភាពរដ្ឋបាល និងហិរញ្ញវត្ថុ។ ដូចនេះផ្នែកធនធាន និង ហិរញ្ញវត្ថុ​នៃ​អាជ្ញាធរ​អប្សរានេះ យើងនឹង​​សិក្សាលើ ប្រភពធនធានរបស់អាជ្ញាធរ(១) និងការគ្រប់គ្រង​ហិរញ្ញវត្ថុរបស់អាជ្ញាធរ(២)។

            ២.២.១.​ ប្រភពធនធានរបស់អាជ្ញាធរអប្សរា

            គ្រប់ស្ថាប័នទាំងអស់ មិនថាស្ថិតក្រោមការគ្រប់គ្រងរបស់រាជរដ្ឋាភិបាល​ ឬមិន​ស្ថិត​នៅ​ក្រោម​រាជរដ្ឋាភិបាលនោះទេ សុទ្ធសឹងតែមានប្រភពធនធានរបស់ខ្លួន ដើម្បីទ្រទ្រង់​ស្ថាប័ន​របស់​​ខ្លួន​អោយ​មានដំណើការទៅមុខ។​ ដូចគ្នានេះផងដែរ អាជ្ញាធរអប្សរាក៏ មាន​ប្រភព​​ធនធានរបស់​ខ្លួនដែលបាន​មក​ពី​ ៖

-       វិភាគទានពីរដ្ឋ និង ពីសុ្រកឃុំនានា

-      អំណោយដែលបានពីមរតក​ និងវិភាគទានអន្តរជាតិ​ ដោយមានការយល់​ព្រម​ពី​ក្រុម ប្រឹក្សាភិបាលនៃអាជ្ញាធរអប្សរា

-      ចំណូលដែលបានមកពីសកម្មភាពផ្ទាល់របស់អាជ្ញាធរអប្សរា​ ដូចជាបំណុលថៃ្ល​ឈ្នួល ដែល​បានមកពីការចេញច្បាប់កាន់កាប់ផេ្សងៗ

-      បា្រក់កមៃ្របានពីប្រភពសេវាកម្មផេ្សងៗ ផ្តល់មកពីអង្គការសាធារណៈ ឬ​ឯកជន

-      បា្រក់ខ្ចីបុលដែលធ្វើឡើង តាមការយល់ព្រមពីក្រុមប្រឹក្សាភិបាលនៃអាជ្ញាធរ អប្សរា​អាច ទទួលយកនូវទ្រព្យចលនវត្ថុ​ អចលនវត្ថុ​ ឬ​ដីដែលគេប្រគល់ឲ្យ^[11]។

-      ក្រៅពីប្រភពធនធានដែលបានរៀបរាប់ពីខាងលើ អាជ្ញាធរអប្សរាក៏ទទួលបាននូវ​បា្រក់ ចំណូល​ពី​ប្រភពផេ្សងៗទៀតផងដែរដែលមានដូចខាងក្រោម ៖

-      ការចូលទស្សនាបា្រសាទស្ថិតនៅក្នុងតំបន់១ ដូចមានចែងក្នុងព្រះរាជក្រឹត្យលេខ ០១/នស ចុះថៃ្ងទី ២៨ ខែ ឧសភា ឆ្នាំ​ ១៩៩៥

-      កម្រៃយកពីអាជីវកម្មថតរូប ឬ ថតខ្សែភាពយន្តក្នុងបរិវេណតំបន់នេះ

-      ពិធីសិល្បៈ ពិធីវប្បធម៌ និង​ពិធីផេ្សងៗទៀតដែលចាត់ចែង​ដោយ​អាជ្ញាធរ​អប្សរា ឬ ដោយអតិថិជនដែលទទួលការអនុញ្ញាតពីអាជ្ញាធរអប្សរា

-      សម្បទាន ការជួល ឬ ការអនុញ្ញាតឲប្រើដីធ្លីដែលគ្រប់គ្រងដោយអាជ្ញាធរ​អប្សរា​

-      ការខ្ចីបុលស្របច្បាប់^[12] ។

                        ២.២.២.​ ការគ្រប់គ្រងហិរញ្ញវត្ថុ

            ការគ្រប់គ្រងហិរញ្ញវត្ថុនៃអាជ្ញាធរអប្សរា​ ជាភារកិច្ចរបស់ប្រធាននាយកដ្ឋាន​ហិរញ្ញ​កិច្ច​ និង គណនេយ្យ១រូប ដែលតែងតាំងដោយប្រកាសរបស់រដ្ឋមន្រ្តីក្រសួង​សេដ្ឋ​-កិច្ច និងហិរញ្ញវត្ថុ។​ មន្រ្តីរូប​នេះ ដែល​ជាអ្នកទទួលខុសត្រូវក្នុងការគ្រប់គ្រងមូលនិធិនេះ​ព្រម​ទាំង​ជាអ្នកកាន់កាប់បញ្ជី​ សារពើភ័ណ្ឌ​របស់​​អាជ្ញាធរអប្សរា ត្រូវធ្វើសម្បថមុននឹង​ចូល​កាន់​តំណែង។

            ការត្រួតពិនិត្យគណនេយ្យ ត្រូវប្រគល់ឲ្យស្នងការគណនេយ្យ១រូប ដែលតែងតាំង​ដោយ​រដ្ឋ មន្រ្តីក្រសួងសេដ្ឋកិច្ច និង​ហិរញ្ញវត្ថុ។​ ស្នងការគណនេយ្យទទួលអំណាច​ផ្ទៀង​ផ្ទាត់​បញ្ជីបេឡា ត្រួត​ពិនិត្យ​ភាពប្រក្រតីនៃតុល្យការផ្សេងៗ ព្រមទាំងភាពត្រឹមត្រូវនៃគណ-​នេយ្យ។​ ស្នងការគណនេយ្យ អាចធ្វើការផ្ទៀងផ្ទាត់ និងត្រួតពិនិត្យរាល់ពេល​ដែលខ្លួន​យល់ថាចាំបាច់។

            រាល់ពេលប្រជុំក្រុមប្រឹក្សាភិបាល ស្នងការគណនេយ្យធ្វើរបាយការណ៏​អំពីការងារ​ដែល​ខ្លួនបានធ្វើកន្លងមក។ ប្រសិនបើខ្លួនសង្កេតឃើញភាពមិនប្រក្រតី និងមិនទៀតទាត់​ស្នង​ការ​​គណនេយ្យ​​ត្រូវជម្រាបអង្គប្រជុំ ព្រមទាំងបញ្ចេញយោបល់លើស្ថានភាពហិរញ្ញវត្ថុ​នោះ។

            បើមានករណីបន្ទាន់ ស្នងការគណនេយ្យ អាចសុំសហប្រធានក្រុមប្រឹក្សាភិបាល​ឲ្យ​កោះហៅ​អញ្ជើញក្រុមប្រឹក្សាភិបាល។​ ស្នងការគណនេយ្យ ពុំឃើញមានភាពមិន​ប្រក្រតី​ក្នុង​ការគ្រប់គ្រង ហិរញ្ញវត្ថុនោះ ស្នងការគណនេយ្យត្រូវប្រគល់បុញ្ជកិច្ចដល់ ក្រុមប្រឹក្សាភិបាលអគ្គនាយក និង នាយក​ហិរញ្ញ​កិច្ច គណនេយ្យនៃអាជ្ញាធរអប្សរា។

            ២.៣. កិច្ចសហប្រតិបត្តិការរវាងអាជ្ញាធរអប្សរា និងស្ថាប័នដទៃ

            ដើម្បីជំរុញអោយការងាររបស់អាជ្ញាធរអប្សរា ទាក់ទងនឹងផ្នែកនគរូបនីយកម្ម​អោយ​មាន​ប្រសិទ្ធភាពកាន់​តែខ្ពស់ អាជ្ញាធរអប្សរា បានធ្វើកិច្ចសហ​ប្រតិបត្តិការយ៉ាង​ខ្ជាប់​ខ្ជួនជាមួយនឹងស្ថាប័ន​ជំនាញ​ដទៃ​ទៀតដូចជា ៖ អាជ្ញាធរដែនដីខេត្តសៀមរាប (២.៣.១) ស្នងការ​ដ្ឋាន​ពិសេសការពារបេតិកភ័ណ្ឌ (២.៣.២) អង្គការយូណេស្កូ​ ​(២.៣.៣) ​គណកម្មការអន្តរ-​ជាតិ​​សម្របសម្រួលដើម្បីស្រោចស្រង់ និងអភិវឌ្ឍន៏រមណីយ​ដ្ឋាន​ប្រវត្តិសាស្រ្តអង្គរ​(ICC) (២.៣.៤)​ និងស្ថាប័នស្រាវជ្រាវអន្តរជាតិនៅអង្គរ​(២.៣.៥) ។

          ២.៣.១. អាជ្ញាធរដែនដីខេត្តសៀមរាប

            អាជ្ញាធរអប្សរា គឺជាស្ថាប័នជំនាញមួយដែលទទួលបន្ទុកយ៉ាងចំបងទាក់ទង​នឹងការ​ការពារ  និង គ្រប់គ្រងវប្បធម៌​ ជាពិសេសបា្រសាទបុរាណនានានៅតំបន់អង្គរ ដោយ​ហេតុ​ថា រាជរដ្ឋាភិបាល​បាន​ដាក់​បន្ទុក និង ផ្តល់អំណាចទៅអោយអាជ្ញាធរនេះ។​ ហើយ​អាជ្ញាធរ​អប្សរា ទទួលបានសិទ្ធិ និងអំណាចផ្តាច់មុខមួយចំនួនដែលកំណត់ដោយច្បាប់​ផង​ដែរ។ អាស្រ័យហេតុនេះ យើងសង្កេតឃើញថា អាជ្ញាធរអប្សរា មិនមានវិវាទសមត្ថ​-កិច្ចជាមួយនឹងអាជ្ញាធរដែនដីក្នុងខេត្តសៀមរាបនោះទេ។ ផ្ទុយទៅ​វិញ អាជ្ញាធរអប្សរា បាន​សហការយ៉ាងស្អិតរមួតជាមួយអាជ្ញាធរដែនដីខេត្តសៀមរាប ក្នុងគោលដៅរួម គឺការ-​ពារ អភិរក្ស និងអភិវឌ្ឍតំបន់អង្គរអោយក្លាយជាតំបន់ទេសចរណ៏ វប្បធម៌មួយដ៏ល្អ អស្ចារ្យ សម្រាប់ព្រះរាជាណាចក្រកម្ពុជា។ ជាក់ស្តែង ដោយយោងតាមមាត្រា១​នៃព្រះរាជ- ក្រឹត្យស្តីពីការ​បង្កើត​​អាជ្ញាធរដើម្បីការពាររមណីយដ្ឋាន និង រៀបចំតំបន់អង្គរ ហៅថា អាជ្ញាធរអប្សរា បានបញ្ជាក់ថា អាជ្ញាធរអប្សរា សហការជាមួយអភិបាលខេត្តសៀមរាប និង​អនុគណៈកម្មាធិការខេត្តរៀបចំទឹកដី នគរូបនីយកម្ម និងសំណង់ ក្នុងការអភិវឌ្ឍ​នគរូបនីយកម្ម ដោយទទួលបន្ទុកគិតគូរ និងធ្វើអោយបាន​សម្រេច​នូវការរៀបចំហេដ្ឋា​រចនា​សម្ព័ន្ធ និងរចនាសម្ព័ន្ធផែ្នកទេសចរណ៍ក្នុងតំបន់នោះ។​ គួរអោយកត់​សំគាល់​ផងដែរ​ថា អភិបាលខេត្តសៀមរាប ក៏ជាបេក្ខជនមួយរូបផងដែរដែល​ជា​សមាជិក​នៃ​អាជ្ញាធរ​អប្សរា។ ហេតុដូច្នេះ នេះជាចំនុចសែ្តងអោយឃើញពីការបូករួមផ្សំបញ្ចូលគ្នានូវការ​អនុវត្ត​​​សមត្ថកិច្ច​ដែនដីរបស់ខ្លួនដោយមិនមានការប៉ះពាល់ផលប្រយោជន៍គ្នានោះ​ឡើយ​។

          ២.៣.២.​ ស្នងការដ្ឋានពិសេសការពារបេតិកភ័ណ្ឌ

             ស្នងការដ្ឋានពិសេសការពារបេតិកភ័ណ្ឌ គឺជាស្ថាប័នមួយដែលស្ថិតនៅក្រោមការ​គ្រប់គ្រងរបស់ក្រសួងមហាផ្ទៃ ក្រោមការដឹកនាំជំនាញរបស់អគ្គនាយកដ្ឋាននគរបាល​ជាតិ និងស្ថិតនៅក្រោម​ឱវាទ​ផ្ទាល់របស់អភិបាលខេត្តសៀមរាប។​ ស្នងការដ្ឋានពិសេស​ការពារ​បេតិកភណ្ឌនៃក្រសួងមហាផ្ទៃ អនុវត្តន៍ភារកិច្ចរបស់ខ្លួនក្នុងតំបន់អង្គរដោយ​សហការ​ជាមួយអាជ្ញាធរខេត្ត សៀមរាប^[13]។

            ស្នងការដ្ឋានពិសេសការពារបេតិកភណ្ឌ​ សហការយ៉ាងជិតស្និទ្ធិជាមួយអាជ្ញាធរ​អប្សរា​ក្នុង​ការ​លើក​គម្រោងផែនការ និងអនុវត្តវិធានការមុខជំនាញ​តាមគោលការណ៍​ណែនាំ​របស់​ក្រសួងមហាផ្ទៃ។​ ម្យ៉ាងវិញទៀត ដើម្បីរក្សាការពារសុវត្ថិភាព សន្តិសុខ និង​របៀបរៀបរយក្នុងភូមិសាស្រ្តតំបន់អង្គរ ដែល​កំណត់ដោយអាជ្ញាធរអប្សរា ស្ថាប័ននេះ​បាន​ទាក់ទងជាមួយនឹងអាជ្ញាធរអប្សរា យ៉ាងពិសេសក្នុង​ការបញ្ជាក់ពីទីតាំងទាំងនោះ​ឲ្យ​បានច្បាស់លាស់ ដើម្បីធានាប្រសិទ្ធភាពនៃការងាររបស់ខ្លួន។​​ បនែ្ថមពីលើនេះទៅទៀត អាជ្ញាធរអប្សរាបានជួយសម្រួលដល់ការធ្វើទំនាក់ ទំនងរវាងស្នងការដ្ឋាន​ពិសេសការពារ​បេតិកភណ្ឌ ជាមួយនឹងអង្គការយូណេស្កូ និងអង្គការ​អន្តរជាតិ​នានាដើម្បីទទួលការ​ណែនាំ ផ្សព្វផ្សាយគោលការណ៏ផ្សេងៗ និងទទួលជំនួយឧបត្ថម្ភ​បម្រើអោយការងារ​ប្រវត្តិ​-សាស្រ្ត។ ស្នងការដ្ឋានពិសេសការពារបេតិកភណ្ឌ ក៏មានភារកិច្ចចំបងមួយទៀតផងដែរ ដែលទាក់ទងនឹង​អាជ្ញាធរ​អប្សរា គឺការអនុវត្តតាមបទបញ្ជា និងភារកិច្ចផ្សេងៗ ដែលផ្តល់អោយដោយអាជ្ញាធរអប្សរា និង​អភិបាលខេត្តសៀមរាប។

            ២.៣.៣.​ អង្គការយូណេស្កូ

            អង្គការយូណេស្កូ មានកិច្ចសហប្រតិបត្តិការយ៉ាងជិតស្និទ្ធិជាមួយអាជ្ញាធរអប្សរា ហើយ​មានតួនាទី​ឃ្លាំមើល និងថែរក្សាបេតិកភណ្ឌវប្បធម៌ពិភពលោក។ ម្យ៉ាងវិញទៀត យូណេស្កូ ជាអ្នក​សម្រប​សម្រួល​ការងាររវាងអាជ្ញាធរអប្សរា និង​ ICC ។ និយាយជារួម​ស្ថាប័ននេះ មានតួនាទីជាអ្នកសម្រប​សម្រួលរវាងអាជ្ញាធរអប្សរា និងស្ថាប័នផ្សេងៗ។

                   ២.៣.៤.​ គណៈកម្មការអន្តរជាតិសម្របសម្រួលដើម្បីស្រោចស្រង់ ​និងអភិវឌ្ឍន៏​រមណីយ​ដ្ឋាន​ប្រវត្តិសាស្រ្តអង្គរ ( ICC )

            គណៈកម្មការអន្តរជាតិ សម្របសម្រួលដើម្បីស្រោចស្រង់ និងអភិវឌ្ឍន៏រមណីយ-​ដ្ឋាន​​ប្រវត្តិសាស្រ្តអង្គរ​(ICC)ដែលមានប្រទេសបារាំងនិងជប៉ុនជាសហប្រធាន។ គណៈកម្ម​-ការ​នេះ ផ្តួចផ្តើម បើកសន្និសីទ ជាលើកទីមួយនៅខែ ធ្នូ ឆ្នាំ ១៩៩៣ នៅរាជធានីភ្នំពេញ។ ពេលនោះមានប្រទេស និង​អង្គកា​រក្រៅរដ្ឋាភិបាលចំនួនជាងម្ភៃ មកពិភាក្សាលើបញ្ហា​ដែល​លើកឡើងអំពីអង្គរ។​ នៅក្នុង​ឱកាស​នោះហើយ ដែលអ្នកទាំងអស់គ្នាស្រុះស្រួល​បង្កើត​អនុគណកម្មាការបច្ចេកទេសមួយ ដើម្បីអោយយន្ត​កម្ម​អន្តរជាតិនេះ​កាន់តែមាន​ប្រសិទ្ធភាព។

            សព្វថ្ងៃ ICC​​ ធ្វើការប្រជុំការងាររបស់ខ្លួនចំនួន​ ២​ដង ក្នុងមួយឆ្នាំ ដែលមានប្រទេស និងអង្គការ​ជាង៣០ចូលរួម ហើយមានអង្គការយូណេស្កូ​ជាអ្នកសម្រប​សម្រួលជាមួយ​នឹង​អាជ្ញាធរ អប្សរា។

            ២.៣.៥. ស្ថាប័នស្រាវជ្រាវអន្តរជាតិនៅអង្គរ​

            មានក្រុមស្រាវជ្រាវជាច្រើនបានលើកគំរោង និងចុះមកស្រាវជ្រាវនៅតំបន់​សៀម​-រាប​អង្គរ ជាពិសេស​ តំបន់រមណីយដ្ឋាន​ដែលស្ថិតនៅក្រោម​ដែនសមត្ថកិច្ចរបស់​អជ្ញាធរ​អប្សរា។​ ដោយរាជ​រដ្ឋាភិបាលបានដាក់បន្ទុក និងផ្តល់អំណាចអោយទៅអាជ្ញាធរអ​​ប្សរា ក្នុងការគ្រប់គ្រងវប្បធម៌នៅ ខេត្តសៀមរាប ដូចនេះ រាល់ការងារដែលធ្វើនៅ​ខេត្តសៀម-​រាប ស្ថាប័នទាំងនោះ ត្រូវសុំយោបល់ និង ការ​យល់ព្រមពីអាជ្ញាធរអប្សរា។​ បើសិនជា​គ្មាន​ការ​យល់ព្រមពីអាជ្ញាធរអប្សរាទេ ស្ថាប័នទាំងនោះ ពុំមានលទ្ធភាពក្នុងការងាររបស់ខ្លួន​ឡើយ​។ ស្ថាប័នទាំងនោះមាន ៖

-                សាលាបារាំងចុងបូព៌ា​ ៖ ស្ថាប័ននេះមានការពិសោធន៌យ៉ាងយូរនៅអង្គរ ក្រៅពី​ការងារជួសជុលបា្រសាទ ស្ថាប័ននេះកំពុងបំពេញការងារស្រាវជ្រាវអំពី នគរូបនីយកម្ម​បុរាណ​នៃ​ក្រុងអង្គរ

-                សាកលវិទ្យាល័យសូហ្វីយ៉ា៖ ស្ថាប័ននេះ បានបើកការដ្ឋានជួសជុលបា្រសាទ​បន្ទាយ​ក្តី ដោយប្រើបច្ចេកទេសទំនើបលើសពីនេះ សាកលវិទ្យាល័យត្រូវអាជ្ញាធរអប្សរា សូមអោយផ្តល់ជំនួយ​បច្ចេកទេសមកខ្លួន ដើម្បីរៀបចំការដ្ឋានជួសជុលផ្លូវចូលបា្រសាទ​អង្គរវត្ត។

-                ក្រុមរដ្ឋាភិបាលជប៉ុនជួយស្រោចស្រង់អង្គរ៖ ស្ថាប័ននេះបានបើកការដ្ឋានជួស​ជុល បា្រសាទសួព្រ័ត ជាពិសេសហោត្រ័យខាងជើងនៃបា្រសាទបាយ័ន។

-                វិទ្យាស្ថានជាតិណារ៉ា ៖ ស្ថាប័ននេះ ធ្វើការសិក្សាស្រាវជ្រាវលើកំណាយផែ្នក​បុរាណ​វិទ្យា នៅតំបន់អង្គរ។

-                វិទ្យាស្ថានជាតិតូក្យូ ៖ បានធ្វើការសិក្សា និងពិសោធន៏លើការសំអាតថ្ម និង​សម្លាប់​ស្លែ នៅតាមថ្មបា្រសាទ ហើយមានបេសកកម្មការងារចំនួន ៣ដងក្នុង ១ឆ្នាំ។

-                សាកលវិទ្យាល័យកាណាសាវ៉ាប្រទេសជប៉ុន ៖ ស្ថាប័ននេះបានធ្វើសហ​ប្រតិបត្តិ​ការជាមួយ នាយកដ្ឋានវប្បធម៌ និងស្រាវជ្រាវ តំណាងអោយអាជ្ញាធរអប្សរា​ស្រាវជ្រាវ​លើប្រធានបទ ទាក់ទងនឹងបរិស្ថាននៅទនេ្លសាប និងរមណីយដ្ឋានអង្គរ។​ កម្មវិធី​ស្រាវ​-ជ្រាវ​នេះ​មានរយៈពេល ៤ ឆ្នាំ គិតពីខែវិច្ឆិកា ឆ្នាំ ២០០៣ ដល់ ២០០៦។

-                សាកលវិទ្យាល័យសីដនី ៖ ស្ថាប័ននេះបានលើកគំរោងស្រាវជ្រាវរួមជាមួយ អាជ្ញាធរអប្សរាលើប្រធានបទស្តីពី ការគ្រប់គ្រងដែនដីអង្គរនាសម័យបុរាណ។

ជំពូកទី ៣

ភារកិច្ច និងបេសកកម្មរបស់អាជ្ញាធរអប្សរា

          ៣.១. តួនាទី បេសកកម្មរបស់អាជ្ញាធរអប្សរា

            អាជ្ញាធរអប្សរា មានបេសសកម្មគិតគូរ ដឹកនាំការងាររៀបចំ និងអភិវឌ្ឍន៍ទេសចរណ៍ នៃតំបន់ចំនួនបាំ្រ ដែលកំណត់នៅក្នុង ព្រះរាជក្រឹត្យលេខ០០១ នស ចុះថៃ្ង២៨ ខែឧសភា ឆ្នាំ១៩៩៤ ស្តីអំពីការកំណត់ និងការចាត់ចែងតំបន់សៀមរាបអង្គរ ។

            ដើម្បីសម្រេចទិសដៅនេះអាជ្ញាធរអប្សរា ព្រមជាមួយក្រសួងពាក់ព័ន្ធត្រូវធើ្វជាអាណាព្យាបាលរួម លើគ្រឹះស្ថានទាំឡាយ ដែលមានភារកិច្ចទទួលខុសត្រូវក្នុងការគ្រប់គ្រងរមណីយដ្ឋានទាំងនោះ សរុបមាន ៖

•   អភិរក្សដ្ឋានអង្គរ ដែលមានបេសកម្មថែរក្សា រៀបចំ និងជួសជុលរមណីយដ្ឋានអង្គរដោយធើ្វសហការជាមួយក្រសួងវប្បធម៌ និងវិចិត្រសិល្បៈ។

•   ភ្នាក់ងាររៀបចំការអភិវឌ្ឍន៍ទេសចរណ៍អង្គរ ដែលទទួលបន្ទុកអភិវឌ្ឍន៍ និងសម្របសម្រួលបណ្តាញទេសចរណ៍ក្នុង តំបន់នេះ ដោយធើ្វសហការជាមួយក្រសួងបរិដ្ឋាន ក្រសួងទេសចរណ៍ និងជាមួយអនុគណៈកម្មាធិការខេត្ត រៀបចំទឹកដី នគរោបនីយកម្ម និងសំណង់។

•   ភ្នាក់ងារអភិវឌ្ឍន៍នគរោបនីយកម្ម ទទួលបន្ទុកគិតគូរ និងធើ្វឲ្យបានសមេ្រចនូវការរៀបចំហេដ្ឋារចនាសម័្ពន្ធ និងឧបរិរចនា សម្ព័ន្ធផែ្នកទេសចរណ៍ក្នុងតំបន់នេះ ក្រោមការកោ្តបក្តាប់ផ្ទាល់របស់អាជា្ញធរ ”អប្សរា” សហការជាមួយអភិបាលខេត្តសៀមរាប និងអនុគណៈកម្មាធិការខេត្តរៀបចំទឹកដីនគររោបនីយកម្ម និងសំណង់។

•   វិទ្យាស្ថានវប្បធម៌ខែ្មរដែលទទួលបន្ទុកបណ្តុះបណ្តាលប្រវត្តិវិទូ បុរាណវត្ថុវិទូ និងភ្នាក់ងារអភិរក្សទទួលបន្ទុកគ្រប់គ្រង និងទ្រទ្រង់រមណីយដ្ឋានអង្គរ ហើយនឹងរ៉ាប់រងបងើ្កនចំណេះដឹងទាំងឡាយនៅក្នុងផែ្នកវប្បធម៌ និងអរិយធម៌ខែ្មរ ដោយសហ- ការជាមួយក្រសួងវប្បធម៌ និងវិចិត្រសិល្បៈ។

            ស្នងការពិសេសការពារបេតិកភណ្ឌនៃក្រសួងមហាផៃ្ទ អនុវត្តភារកិច្ចរបស់ខ្លួនក្នុងតំបន់អង្គរ ដោយសហការជាមួយអាជ្ញាធរ ខេត្តសៀមរាប។

            បណ្តាគ្រឹះស្ថានខាងលើនេះ នឹងត្រូវបងើ្កតឡើងដោយអនុក្រឹត្យ[14] ។

            ប៉ុន្តែក្រោយមកទៀតបញ្ញត្តិបានធ្វើការកែសម្រួលដូចតទៅ[15]៖

-  ស្នងការពិសេសការពារបេតិកភណ្ឌនៃក្រសួងមហាផៃ្ទ អនុវត្តភារកិច្ចរបស់ខ្លួនក្នុងតំបន់អង្គរ ដោយសហការជាមួយអាជា្ញធរ ខេត្តសៀមរាប” ។

-  អាជ្ញាធរអប្សរា មានបេសកកម្មគិតគូរ ដឹកនាំការងាររៀបចំ និងអភិវឌ្ឍន៍ទេសចរណ៍ នៃតំបន់ចំនួនបាំ្រដែលកំណត់នៅក្នុង ព្រះរាជក្រឹត្យលេខ ០០១ នស ចុះថ្ងៃទី២៨ ខែឧសភា ឆ្នាំ១៩៩៤ ស្តីអំពីការកំណត់ និងការចាត់ចែងតំបន់សៀមរាប អង្គរ ។

            ដើម្បីសមេ្រចទិសដៅនេះ អាជ្ញាធរអប្សរា  ព្រមជាមួយក្រសួងពាក់ព័ន្ធ ត្រូវធើ្វអាណាព្យាបាលរួមលើគឹ្រះស្ថានទាំងឡាយ ដែលមានភារកិច្ចទទួលខុសត្រូវ ក្នុងការគ្រប់គ្រងរមណីយដ្ឋានទាំងនោះសរុបមាន ៖

•   អភិរក្សដ្ឋានអង្គរ ដែលមានបេសកកម្មថែរក្សា រៀបចំ និងជួសជុលរមណីយដ្ឋានអង្គរដោយធើ្វសហការជាមួយក្រសួង វប្បធម៌ និងវិចិត្រសិល្បៈ ។

•   ភ្នាក់ងាររៀបចំការអភិវឌ្ឍន៍ទេសចរណ៍អង្គរ ដែលទទួលបន្ទុកអភិវឌ្ឍន៍ និងសម្របសម្រួលបណ្តាញទេសចរណ៍ ក្នុងតំបន់នេះ ដោយធើ្វសហការជាមួយក្រសួងបរិស្ថាន ក្រសួងទេសចរណ៍ និងជាមួយអនុគណៈកម្មាធិការខេត្ត រៀបចំ ទឹកដីនគរូបនីយកម្ម និងសំណង់ ។

•   ភ្នាក់ងារអភិវឌ្ឍន៍នគរូបនីយកម្មទទួលបន្ទុកគិតគូរ និងធើ្វឲ្យបានសមេ្រចនូវការរៀបចំហេដ្ឋារចនាសម័្ពន្ធ និងឧបរិរចនា សម័្ពន្ធផែ្នកទេសចរណ៍ក្នុងតំបន់នេះ ក្រោមការក្តោមក្តាប់ផ្ទាល់របស់អាជា្ញធរ “អប្សរា” សហការជាមួយអភិបាលខេត្ត សៀមរាប និងអនុគណៈកម្មាធិការខេត្តរៀបចំទឹកដីនគរូបនីយកម្ម និងសំណង់ ។

•   វិទ្យាស្ថានវប្បធម៌ខែ្មរដែលទទួលបន្ទុកបណ្តុះបណ្តាលប្រវត្តិវិទូ បុរាណវត្ថុវិទូ និងភ្នាក់ងារអភិរក្សទទួលបន្ទុកគ្រប់គ្រង និងទ្រទ្រង់រមណីយដ្ឋានអង្គរ ហើយនិងរ៉ាប់រងបង្កើនចំណេះដឹងទាំងឡាយនៅក្នុងផ្នែកវប្បធម៌ និងអរិយធម៌ខែ្មរដោយ សហការជាមួយក្រសួងវប្បធម៌ និងវិចិត្រសិល្បៈ ។ បណ្តាគ្រឹះស្ថានខាងលើនេះ នឹងត្រូវបងើ្កតឡើងដោយអនុក្រឹត្យ ។

            ៣.២.តួនាទីអាជ្ញាធរអប្សរានៅក្នុងវិស័យនគរូបនីយកម្ម

            អាជ្ញាធរជាតិអប្សរា​ ដែលហៅថា​អាជ្ញាធរជាតិដើមី្បការពាររមណីយដ្ឋាន​ និង​រៀប​​ចំ​​តំបន់អង្គរ គឺជាគ្រឹះស្ថានសាធារណៈមួយ ដែលមានលក្ខណៈរដ្ឋបាលស្របតាម ព្រះ​រាជ​ក្រឹត្យលេខ នស/រកត/០២៩៥/១២ ចុះនៅរាជធានីភ្នំពេញក្នុងថៃ្ងទី១៩ ខែកុម្ភៈ ឆ្នាំ​១៩៩៥ ដើមី្បរួមចំណែក​ជួយកិច្ចការរបស់រាជរដ្ឋាភិបាល​ព្រះរាជាណាចក្រកម្ពុជា សម្រាប់​វិស័យនគរូបនីយកម្មនៅខេត្តសៀមរាប តំបន់​អង្គរវត្ត។ នេះបញ្ជាក់ថា អាជ្ញាធរអប្សរា​មាន​តួនាទីយ៉ាងសំខាន់នៅក្នុងផ្នែកនគរូបនីយកម្ម​​(ក) ដែលយើងអាចមើល​ឃើញបាន​តាម​​​រយៈ​សមិទ្ធិផលនានារបស់ស្ថាប័នមួយនេះ(ខ)។

            ជាទូទៅ នៅក្នុងដែនដីរាជធានីខេត្ត ស្ថាប័ននិងអាជ្ញាធរនានាដែលមាន​សមត្ថកិច្ច​ខាង​វិស័យ នគរូបនីយកម្មគឺ មន្ទីររៀបចំដែនដី នគរូបនីយកម្ម និងសំណង់រាជធានីខេត្ត​នានា​ដែលធ្វើការសហការ​សាលារាជធានីខេត្តរបស់ខ្លួន។ ក៏ប៉ុន្តែ ដោយឡែកសម្រាប់​វិស័យ​នគរូប​នីយ​កម្ម​នៅ​ក្នុងខេត្តសៀមរាប​ត្រង់តំបន់អង្គរវិញ ក្រុមដែលធ្វើការងារ និង​មាន​សមត្ថកិច្ចក្នុងវិស័យនគរូបនីយកម្ម គឺមានអាជ្ញាធរ​ពិសេស ​និងជំនាញមួយដែល​ហៅថា អាជ្ញាធរអប្សរា ធ្វើការងារចាត់ចែង និងរៀបចំនគរូបនីយកម្ម​នៅ​ត្រង់ចំណុច​តំបន់​អង្គរ ដោយរួមសហប្រតិបត្តិការជាមួយនឹងមន្ទីររៀបចំដែនដី​ នគរូបនីយកម្ម និង​សំណង់​របស់ខេត្តសៀមរាប ព្រមជាមួយសាលាខេត្តសៀមរាបផងដែរ។

            តួនាទីរបស់អាជ្ញាធរអប្សរា មានចែងនៅក្នុង ព្រះរាជក្រឹត្យលេខនស/រកត/​០២៩៥/​-១២ ស្តីពី ការបង្កើតអាជ្ញាធរដើមី្បការពាររមណីយដ្ឋាន និងរៀបចំតំបន់អង្គរ ចុះថៃ្ងទី១៩ ខែ​កុម្ភៈ ឆ្នាំ១៩៩៥ ដែល​ក្នុង​នោះមាន គឺអាជ្ញាធរអប្សរា​ មានបេសកកម្មគិតគូរ និង​អភិវឌ្ឍន៍ទេសចរណ៍នៃតំបន់ចំនួនប្រាំ​ដែលកំណត់នៅក្នុងព្រះរាជក្រឹត្យលេខ០០១​នស ចុះ​ថ្ងៃ​ទី២៨ ខែឧសភា ឆ្នាំ១៩៩៤ ស្តីពីការកំណត់ និងការចាត់ចែងតំបន់សៀមរាបអង្គរ^[16]។ មិនតែប៉ុណ្ណោះ អាជ្ញាធរអប្សរា រួមជាមួយនឹងក្រសួងពាក់ព័ន្ធ ត្រូវធ្វើជាអាណាព្យាបាល​រួមគ្នាលើគ្រឹះស្ថានទាំងឡាយ ដែលមានភារកិច្ចទទួលខុសត្រូវ ក្នុងការគ្រប់​គ្រង​​រមណីយ​-ដ្ឋានទាំងនោះ ដោយមានការអភិរក្សលើតំបន់អង្គរ ដោយមានបេសកកម្ម ថែរក្សារៀបចំ និង ជួសជុលរមណីយដ្ឋានអង្គរសហការជាមួយនឹងក្រសួងវប្បធម៌ និងវិចិត្រសិល្បៈ។ ហើយ​​​​ភ្នាក់​ងារ​រៀបចំការអភិវឌ្ឍន៍ និងសម្របសម្រួលបណ្តាញទេសចរណ៍ក្នុងតំបន់នេះ ត្រូវធ្វើការសហការជាមួយ​ក្រសួងបរិស្ថាន ក្រសួងទេសចរណ៍ និងអនុគណៈកម្មាធិការ​ខេត្ត​រៀបចំដែនដី នគរូបនីយកម្ម និងសំណង់។ មួយវិញេទៀត ភ្នាក់ងារអភិវឌ្ឍន៍​នគរូប-​​ នី​យ​​កម្ម​ ត្រូវទទួលបន្ទុកគិតគូរ ក៏ដូចជាធ្វើឲ្យ​បាន​​សម្រេច​នូវការរៀបចំរចនាសម្ព័ន្ធផ្នែក ទេសចរណ៍ក្នុងតំបន់នេះ នៅក្រោមការក្តោបក្តាប់ផ្ទាល់​របស់​អាជ្ញាធរអប្សរា សហការជា​មួយ​អភិបាលខេត្តសៀមរាប​ និងអនុគណៈកម្មា ធិការខេត្តរៀបចំដែនដី នគរូបនីយកម្ម និងសំណង់នៃខេត្តសៀមរាប។ ដោយឡែកវិទ្យាសា្ថន វប្បធម៌ខ្មែរ ដែលទទួល​បន្ទុក​បណ្តុះ​បណ្តាលប្រវត្តិវិទូ បុរាណវត្ថុ និងភ្នាក់ងារអភិរក្សទទួលបន្ទុកគ្រប់គ្រង និងទ្រទ្រង់រមណីយ​-ដ្ឋាន​អង្គរ ត្រូវរ៉ាប់រងបង្កើនចំណេះដឹងទាំងឡាយនៅក្នុងផ្នែកវប្បធម៌ និងអរិយធម៌​ខ្មែរ​ដោយ​សហការ​ជាមួយ​ក្រសួងវប្បធម៌ និងវិចិត្រសិល្បៈ^[17]។

            ចំពោះបេសកកម្ម តួនាទី ក៏ដូចជាភារកិច្ចរបស់អគ្គនាយកដ្ឋាននៃអាជ្ញាធរអប្សរា មានកំណត់ និង​ចែង​នៅក្នុងអនុក្រឹត្យលេខ​ ១៥ អនក្រ.បក ស្តីពីការរៀបចំ និងការប្រព្រឹត្ត​​ទៅ​នៃអគ្គ នាយកដ្ឋាន នៃអាជ្ញាធរអប្សរា។

ហើយអគ្គនាយកដ្ឋាននៃអាជ្ញាធរអប្សរា មានបេសកកម្មដូចតទៅ៖^[18]

·       ការពារថែរក្សា អភិរក្ស និងលើកតម្លៃឧទ្យានបុរាណវិទ្យា វប្បធម៌ បរិស្ថាន និង​ប្រវត្តិ​សាស្ត្រនៃរមណីយដ្ឋានអង្គរ ដែលជាបេតិកភណ្ឌពិភពលោក។

·       គិតគូរ និងអនុវត្តន៍ឲ្យបានសម្រេចនូវផែនការសកម្មភាព និងកម្មវិធីរៀបចំ​អភិវឌ្ឍន៍ទេសចរណ៍ ប្រកបដោយចីរភាពនៅក្នុងតំបន់ទាំង៥ដែលបានកំណត់ដោយ​បទ​-ប្បញ្ញត្តិ​នៃព្រះរាជ ក្រឹត្យលេខ ០០១/នស​ ចុះថ្ងៃទី២៨ ខែឧសភា ឆ្នាំ១៩៩៤ ​ស្តីពីការកំណត់ និងការចាត់ចែងគ្រប់គ្រង តំបន់​សៀមរាបអង្គរ ព្រមទាំងទប់ស្កាត់បទល្មើសព្រៃឈើ ការ​គ្រប់គ្រងដីធ្លី និងទប់ស្កាត់អំពើ អនាធិបតេយ្យនៅក្នុងតំបន់សៀមរាប អង្គរ។

·       ស្វែងរកប្រភពហិរញ្ញប្បទាន ទុនវិនិយោគ និងវាយតម្លៃលើការអនុវត្តតាម​ដំណាក់​កាលនីមួយៗ ដើមី្បធ្វើឲ្យបានសម្រេចនូវរាល់ការងារ ដែលបានចែង​និងកំនត់នៅក្នុង​ផែន-​ការសកម្មភាព និងកម្មវិធីរៀបចំអភិវឌ្ឍន៍ទេសចរណ៍ដូចបានរៀបរាប់ខាងលើ ហើយរួម​ចំណែកក្នុងការអនុវត្តគោលនយោបាយកាត់បន្ថយភាពក្រីក្ររបស់រាជរដ្ឋាភិបាលនៅក្នុង​តំបន់សៀមរាប អង្គរ។

·       ធ្វើការសហការជាមួយនឹងក្រុមប្រឹក្សាអភិវឌ្ឍន៍ជាតិកម្ពុជា ដើម្បីផ្តល់ការអនុញ្ញាតិ​ឲ្យវិនិយោគនូវគម្រោងទាំងឡាយ​ ដែលទាក់ទងនឹងបេសកកម្មរបស់​អគ្គនាយកដ្ឋាន​អាជ្ញា​-ធរ​​អប្សរា និងសហការ ជាមួយក្រសួង ស្ថាប័ន មូលនិធិ អង្គការ សមាគមជាតិ អន្តរជាតិ ព្រមទាំងស្ថាប័ន រាជរដ្ឋាភិបាល និង​អង្គការមិនមែនរដ្ឋាភិបាល ដែលមានគោល​បំណង​ស្របនឹងទិសដៅរបស់ អគ្គនាយកដ្ឋាន នៃ​អាជ្ញាធរ​អប្សរា។

អគ្គនាយកដ្ឋាន នៃអាជ្ញាធរអប្សរាមានមុខងារ និងភារកិច្ចដូចតទៅ ៖

·       ធ្វើការគិតគូរ និងចាត់ចែងអនុវត្តន៍ នូវរាល់ផែនការសម្រាប់រយៈពេលមធ្យម និង​រយៈ​ពេលវែង​លើការថែរក្សា ការពារប្រាសាទនានា ក្នុងតំបន់សៀមរាបអង្គរ និងតំបន់​ពាក់ព័ន្ធផ្សេងទៀតដែល​រាជរដ្ឋាភិបាលប្រគល់ឲ្យ។

·       ធ្វើអន្តរាគមន៍ចាំបាច់ និងបន្ទាន់ដើម្បីធានាកិច្ចការពារ និងស្រោចស្រង់​រមណីយ-​ដ្ឋានអង្គរ ព្រមទាំងបង្កើតឲ្យមានអង្គភាពឆ្មាំប្រាសាទ ដើម្បីបង្ការ ថែរក្សា ការពារ ឬគ្រប់-​គ្រង​ប្រាសាទបុរាណ នានា រួមទាំងទេសភាពនិងបរិស្ថានដែលនៅជុំវិញប្រាសាទទាំងនេះ។

·       ធ្វើការស្ទង់មើល និងធ្វើកំណាយបុរាណវិទ្យា ហើយរួមចំណែកបង្កើនចំណេះដឹង ការ​ស្រាវជ្រាវដើមី្បចងក្រងឯកសារ អំពីវប្បធម៌ខ្មែរ នៅតំបន់សៀមរាប អង្គរ និងតំបន់​ពាក់​ព័ន្ធផ្សេងទៀត។

·       គិតគូរ ចាត់ចែងអនុវត្តន៍ នូវផែនការសម្រាប់រយៈពេលមធ្យម និងរយៈពេលវែង​ក្នុង​គោបំណងលើកតម្លៃ ជំរុញការផ្សព្វផ្សាយ និងការគ្រប់គ្រងការធ្វើសកម្មភាព​ពាណិជ្ជ​-កម្មនៃតំបន់ឧទ្យាន​អង្គរ រួមជាមួយតំបន់ពាក់ព័ន្ធផ្សេងទៀត ព្រមទាំងសហការជាមួយ​នឹង​អាជ្ញាធរដែនដីគ្រប់លំដាប់ថ្នាក់ ដែលពាក់ព័ន្ធដើមី្បបណ្តុះបណ្តាលមគ្គុទេសក៍ទេសចរណ៍ ផ្តល់ព័ត៌មានដល់ភ្នាក់ងារ និងអ្នកប្រកប​មុខ​របរទេសចរណ៍។

·       ធានាការគ្រប់គ្រង និងការប្រើប្រាស់ទ្រព្យសម្បត្តិរដ្ឋ ដោយអនុលោមទៅតាមច្បាប់ និងបទប្បញ្ញត្តិ​នៃលិខិតបទដ្ឋានគតិយុត្តិដែលកំពុងនៅជាធរមាន និង វិធានអន្តរជាតិ​នានា រួមជាមួយការ​រៀប​ចំចំណតរថយន្ត មធ្យោបាយដឹកជញ្ជូនអ្នកទេសចរ តូប ស្តង់​លក់​ដូរវត្ថុ អនុស្សាវរីយ៍ លក់ ភេសជ្ជៈ ស្ថានីយ៍ប៉ុស្តិ៍នគរបាលការពារបេតិកភណ្ឌ និងឆ្មាំ​ប្រាសាទ បង្គន់ បន្ទប់ទឹក និងរថយន្តសង្គ្រោះ​បន្ទាន់​នៅក្នុងតំបន់សៀមរាប អង្គរ។

·       ធ្វើការសហការជាមួយនឹងអាជ្ញាធរដែនដី គ្រប់លំដាប់ថ្នាក់ដែលពាក់ព័ន្ធ ដើមី្ប​រៀប​ចំអភិវឌ្ឍន៍​ក្រុង​សៀមរាប ឲ្យទទួលបាននូវភាពល្អប្រសើរ​ និងមានភាពសមរម្យ ដោយ​​អនុលោមទៅតាមច្បាប់ លិខិតបទដ្ឋានគតិយុត្តិ និងបទប្បញ្ញត្តិជាធរមាន ព្រមទាំង​យកចិត្តទុកដាក់ពីផលប៉ះពាល់​ទៅលើ​បរិស្ថាន ដែលបណ្តាលមកពីកំណើនប្រជាពលរដ្ឋ និង វិធានអន្តរជាតិស្តីពីការអភិវឌ្ឍន៍វិស័យ​ទេសចរណ៍​ប្រកបដោយនិរន្តរភាព។

·       អគ្គនាយកដ្ឋាន​នៃអាជ្ញាធរអប្សរា មានតួនាទី និងភារកិច្ចសំខាន់មួយទៀត គឺការ​ចេញនូវ លិខិតអនុញ្ញាតិរុះរើ និងសាងសង់នូវសំណង់នានា ព្រមទាំងលិខិតបញ្ជាឲ្យ​រុះរើ​ចំពោះសំណង់ណា គ្មានច្បាប់អនុញ្ញាតដែលប៉ះពាល់ធ្ងន់ធ្ងរ លើកលែងតែលំនៅដ្ឋាន​ក្នុងភូមិដែលមានយូរលង់មក ហើយ​ក្នុងតំបន់ការពារ​ដែលបានកំណត់នៅក្នុងព្រះរាជ-​ក្រឹត្យ​​លេខ០០១/នសចុះថ្ងៃទី២៨ខែឧសភាឆ្នាំ១៩៩៤ ស្តីពីការកំណត់និងការចាត់ចែង​គ្រប់​-គ្រងតំបន់សៀមរាប អង្គរ។

·       សិក្សាពីផលប៉ះពាល់ និងវាយតម្លៃលើគម្រោងវិនិយោគវិស័យទេសចរណ៍ ធ្វើការ​តាម​ដាន ឃ្លាំមើលតាមរយៈនៃការរៀបចំព្យាករណ៍ជាប្រចាំសម្រាប់រយៈពេល​កំណត់​នីមួយៗ ហើយធ្វើការកំនត់ជ្រើសរើស និងចាត់ចែងអនុវត្តនូវគម្រោងវិនិយោគវិស័យ​ទេសចរណ៍ ដោយអនុលោមតាម ច្បាប់ លិខិតបទដ្ឋាន បទប្បញ្ញត្តិ និងវិធាននានាជាធរ-​មាន។

·       រៀបចំកិច្ចសន្យាជាមួយវិនិយោគិន និងសម្បទានិក ព្រមទាំងធ្វើការដោះស្រាយ​រាល់​​កិច្ចការ វិវាទទាំងឡាយដោយអនុលោមតាមច្បាប់ លិខិតបទដ្ឋាន បទប្បញ្ញត្តិជាធរ​-មាន និងវិធានអន្តរជាតិ នានា។

·       រួមចំណែកកាត់បន្ថយភាពក្រីក្រ និងលើកកំពស់កម្រិតជីវភាពរស់នៅរបស់ប្រជា​-ជន​​ក្នុងតំបន់​សៀមរាបអង្គរ ដោយបង្កើនការងារធ្វើជំរុញឲ្យមានកម្មវិធី​បណ្តុះ​បណ្តាល​វិជ្ជាជីវៈ និងពង្រឹងសមត្ថភាព​បំរើការងាររបស់ប្រជាជននៅតំបន់នេះ និងតំបន់ផ្សេងៗ​ទៀត​ដែលពាក់ព័ន្ធ។

·       ធ្វើការពង្រឹង និងពង្រីកកិច្ចសហប្រតិបត្តិការផ្នែកវិទ្យាសាស្ត្របច្ចេកវិទ្យា ដែលផ្តល់​ការ​រីកចំរើន​ដល់រមណីយដ្ឋានអង្គរប្រាសាទ ព្រមទាំងបរិស្ថានដោយអនុលោមតាម​គោល​នយោ​បាយស្តី ពីកិច្ចសហប្រតិបត្តិការអន្តរជាតិរបស់រាជរដ្ឋាភិបាល​ ហើយរៀបចំប្រព័ន្ធ​គ្រប់គ្រង និងត្រួតពិនិត្យគុណ​ភាពលើការធ្វើអាជីវកម្ម និងេសវាកម្មនានាក្នុងគោលដៅ ការពារបរិស្ថាន និងអភិវឌ្ឍន៍ប្រកបដោយ​ចីរភាពក្នុងតំបន់សៀមរាបអង្គរ និងតំបន់​ពាក់​-ព័ន្ធផ្សេងៗទៀត។

·       ទទួលការងារពិធីការ និងរៀបចំមគ្គុទេសក៍សម្រាប់ទទួលគណៈប្រតិភូជាន់ខ្ពស់ជាតិ និង អន្តរជាតិដែលចូលមកទស្សនាតំបន់រមណីយដ្ឋានអង្គរ។

·       បង្ក្រាបបទល្មើសព្រៃឈើ គ្រប់គ្រងដីធ្លី និងទប់ស្កាត់អំពើអនាធិបតេយ្យនៅ​តំបន់​សៀមរាប អង្គរ និងកសាងសំណុំរឿងបញ្ជូនជនល្មើសទៅតុលាការ ដើមី្បផ្តន្ទាទោសតាម​ផ្លូវ​ច្បាប់ជាធរមាន ហើយនឹងធ្វើរបាយការណ៍ស្តីពីសកម្មភាពរបស់អាជ្ញាធរអប្សរា​ប្រចាំ​ខែ ត្រីមាស ឆមាស ៩ខែ និង ប្រចាំឆ្នាំ និងសភាពការណ៍ព្រមទាំងវិធាននានា​ដែលអាជ្ញាធ​រអប្សរា ប្រកាន់យកផ្ញើជូនរដ្ឋមន្ត្រី ទទួលបន្ទុកទីស្តីការគណៈរដ្ឋមន្ត្រី និងធ្វើរបាយការណ៍​ស្តី​ពី​ស្ថាន​ភាព​ចំណូល និងចំណាយរបស់ អាជ្ញាធរអប្សរាជូនរដ្ឋមន្ត្រីក្រសួងសេដ្ឋកិច្ច និង​ហិរញ្ញវត្ថុ។

លើសពីនេះទៅទៀត រាជរដ្ឋាភិបាលកម្ពុជាដែលដឹកនាំដោយសម្តេច​អគ្គមហា​-សេនាបតី តេជោ ហ៊ុន សែន បានចេញនូវសេចក្តីសម្រេចជាច្រើន ជាបន្តបន្ទាប់ ដើមី្បធ្វើ​ឲ្យ​អាជ្ញាធរ​អប្សរាបានបំពេញ​ភារកិច្ច​ចំនួន៣ បន្ថែមទៀតរួមមាន ៖

-  ភារកិច្ចទី១ : គឺអាជ្ញាធរអប្សរា ត្រូវធានារ៉ាប់រងនៅក្នុងករណីពិសេស​នៃ​តំបន់រមណីយ​ដ្ឋាន​សៀមរាបអង្គរ ដោយធ្វើការការពារ ការអភិរក្ស និងលើកតម្លៃ​នូវ​សម្បត្តិ​វប្បធម៌ជាតិ។

-  ភារកិច្ចទី២ : ទទួល និងដឹកនាំការងាររៀបចំ និងការអភិវឌ្ឍន៍នូវវិស័យ​ទេស​ចរណ៍ នៅ​ក្នុង​តំបន់ទាំង៥ នៃខេត្តសៀមរាបទាំងមូល។

-  ភារកិច្ចទី៣ : ធានារ៉ាប់រងនូវការដ្ឋាននៃការរៀបចំតំបន់សៀមរាប អង្គរ ហើយនឹង កំនត់សៀវភាំបន្ទុកនៃគម្រោង ដែលអនុវត្តដោយគ្រឹះស្ថានស្ថិតនៅក្រោម​ការ​ត្រួតត្រាផ្ទាល់ជាដៃគូ ជាមួយរដ្ឋអំណាចខេត្តជាអាណាព្យាបាល និងស្តាប័ន អង្គការ មូលនិធិ សហគមន៌ខែ្មរ និងបរទេស ដែលបានធ្វើតាមទិសដៅ​ឆ្លើយតបទៅ​នឹងមុខ​ជំនាញ​ដែលធ្វើប្រតិបត្តិការនៅក្នុងតំបន់។

            មិនតែប៉ុណ្ណោះទៀតសោត អាជ្ញាធរអប្សរា មានភារកិច្ចទទួលបន្ទុកការពារ អភិរក្ស និង ទ្រទ្រង់​តំបន់រមណីយដ្ឋានអង្គរ ស្របតាមបទប្បញ្ញត្តិនៃមាត្រា៥ នៃព្រះរាជ-​ក្រមលេខ នស/រកម/ ០១៩៦/២៦ ចុះថ្ងៃទី២៥​ ខែមករា ឆ្នាំ១៩៩៦ ស្តីពីកិច្ចការពារបេតិក-​ភណ្ឌ​វប្បធម៌ ព្រមទាំងកាតព្វកិច្ច អន្តរជាតិដែល​តម្រូវ​ឲ្យតំបន់រមណីយដ្ឋានអង្គរ រក្សា​បាន​នូវ​លក្ខណៈ​សម្បត្តិជាបេតិកភណ្ឌពិភពលោក ដូចនេះ​ ដើមី្ប​បំពេញមុខងារនេះ​បាន​ល្អ នាំឲ្យអាជ្ញាធរអប្សរាទទួលបានសិទិ្ធផ្តាច់មុខក្នុងការ ចេញលិខិតអនុញ្ញាត​សាង​សង់​សម្រាប់​ការស្ថាបនាទាំងឡាយ ក្នុងរង្វង់តំបន់រមណីយដ្ឋានអង្គរ។ ហើយបើសំណង់មិន​មាន​លិខិតអនុញ្ញាតពីអាជ្ញាធរអប្សរា នាំឲ្យមានមោឃភាព។ រីឯសំណង់គ្មានច្បាប់ ត្រូវរុះ​-រើចេញដោយ​ម្ចាស់សំណង់ល្មើសច្បាប់ក្នុងរយៈពេល ៤៥ ថ្ងៃយ៉ាងយូរគិតពីថ្ងៃ ជូន​ដំណឹង^[19]។

            ម្យ៉ាងវិញទៀត អាជ្ញាធរអប្សរា ក៏ជាអ្នកអភិបាលតំបន់បុរីសណ្ឋាគារ ដែលស្ថិត​នៅ​ទីរួម​ខេត្ត សៀមរាប ដោយជាអ្នកគ្រប់គ្រង និងចាត់ចែងធ្វើជាបុរីសណ្ឋាគារ^[20]។ នៅ​ក្នុង​នាម​ជា​អភិបាលតំបន់​បុរីសណ្ឋាគារនេះ អាជ្ញាធរអប្សរាមានភារៈ និងការទទួលខុស​ត្រូវ​លើការគ្រប់គ្រងចាត់ចែង ការថែរក្សាការពារមិនឲ្យមានការចាប់យកដីថ្មីទៀត និង​ការ​រៀបចំព្រមទាំងការដាក់ឲ្យធ្វើអាជីវកម្មដីធ្លី​គ្រប់បែប​យ៉ាង^[21]។ ពិសេស អាជ្ញាធរអប្សរា ជា​អាជ្ញាធរមួយយ៉ាងសំខាន់ ក្នុងការទទួលនូវព័ត៌មានរបស់​រាល់បុគ្គល​ទាំងឡាយណា​ដែល​​មាន​​កាន់កាប់ស្របច្បាប់ដីតិច ឬច្រើននៅក្នុងតំបន់នេះ បន្ទាប់ពី​អនុក្រឹត្យ​លេខ៧៩ ស្តី​ពី​បុរីសណ្ឋាគារនេះចូលជាធរមាន ដោយយ៉ាងយូរបំផុត១ឆ្នាំ និងត្រូវបង្ហាញ​ភស្តុតាង​នៃការកាន់កាប់ដីនេះចេញដោយអាជ្ញាធរមានសមត្ថកិច្ច។

                       

សេចក្តីសន្និដ្ឋាន

            តាមការបកស្រាយពីខាងលើយ៉ាងលំអិតរួចមក យើងធ្វើ​សេចក្តីសន្និដ្ឋាន​មួយ​យ៉ាង​ខ្លី​មកវិញថា អាជ្ញាធរអប្សរា គឺជាគ្រឹះស្ថានសាធារណៈមានលក្ខណៈរដ្ឋបាល ដែល​​​មាន​បុគ្គលភាពគតិយុត្តិ និងមានស្វ័យភាពរដ្ឋបាល និងហិរញ្ញវត្ថុ ដើមី្បការពារ​រមណីយ​ដ្ឋាន និងរៀបចំតំបន់អង្គរ។ ហើយ​អាជ្ញាធរនេះ ត្រូវបានបង្កើតឡើងដោយ​ព្រះរាជ​ក្រឹត្យលេខ នស/រករ/០២៩៥/១២ ស្តីពីការបង្កើត​អាជ្ញាធរជាតិ ដើមី្បការពារ​រមណីយ​ដ្ឋាន និងរៀបចំតំបន់អង្គរ។ អាជ្ញាធរអប្សរា ជាអង្គភាពដែលមាន​រចនាសម្ព័ន្ធ​គ្រប់គ្រងត្រឹមត្រូវ ដោយមានក្រុមប្រឹក្សាភិបាល ជាប្រធានសម្រេចកិច្ចការធំៗ ដែលសព្វ-​ថ្ងៃ​​នេះ ឯកឧត្តម សុខ អាន ប្រធានក្រុមប្រឹក្សាភិបាលនៃអាជ្ញាធរអប្សរា។ មិនតែប៉ុណ្ណោះ អាជ្ញាធរអប្សរា ក៏មានប្រធានអគ្គនាយកដ្ឋានម្នាក់សម្រាប់ដំណើរជាប្រចាំផងដែរ ព្រមជា​មួយ​នឹង​ អគ្គនាយករងមួយ​ចំនួន​សម្រាប់ជាជំនួយការផងដែរ។ ម្យ៉ាងវិញទៀត អាជ្ញាធរ​អប្សរា ជាស្ថាប័នដែលមាន​រដ្ឋបាល​កណ្តាល និងនាយកដ្ឋានជំនាញចំនួន៥ ផ្សេងទៀត​មាន​ដូចជា នាយកដ្ឋាន រមណីយដ្ឋាន និងបុរាណ​វិទ្យា នាយកដ្ឋានវប្បធម៌និងស្រាវជ្រាវ នាយក​ដ្ឋាន​នគរូបនីយកម្ម និង អភិវឌ្ឍន៍ក្រុង នាយកដ្ឋាន​អភិវឌ្ឍន៍​ទេសចរណ៍អង្គរ និង​នាយក​ដ្ឋានអភិវឌ្ឍន៍សេដ្ឋកិច្ចសង្គម។ ហើយដើមី្បឲ្យកិច្ចការ និង​ការងារ​របស់អាជ្ញាធរ​អប្សរា មានប្រសិទ្ធភាពកាន់តែធំទូលំទូលាយ អាជ្ញាធរអប្សរាបានធ្វើសហ​ប្រតិបតិ្តការ​ជា​មួយ​នឹង​ស្ថាប័នជំនាញៗ ដូចជាអាជ្ញាធរដែនដីខេត្តសៀមរាប ដែលមានអភិបាលខេត្តជា​សមាជិកនៃ​ក្រុមប្រឹក្សាភិបាលអាជ្ញាធរអប្សរា ស្នងការពិសេសការពារបេតិកភណ្ឌអង្គការ​​​​យូណេស្កូ គណៈកម្មា​ធិការ​​អន្តរ​ជាតិ​សម្របសម្រួល ដើមី្បស្រោចស្រង់និងអភិវឌ្ឍន៍​រមណីយ​ដ្ឋានប្រវត្តិសាស្ត្រអង្គរ ICC និងស្ថាប័នស្រាវជ្រាវអន្តរជាតិនៅអង្គរ។ ចំពោះ តួនាទី​របស់អាជ្ញាធរអប្សរាវិញ អាជ្ញាធរអប្សរា​មាន​បេសកកម្មគិតគូរ និងអភិវឌ្ឍន៍​ទេសចរណ៍នៃតំបន់ទាំង៥ ដែលស្ថិតនៅក្នុងការកំណត់ និងការចាត់​ចែង​តំបន់​សៀមរាប អង្គរដែលតួនាទីនេះ មានកំណត់នៅក្នុង​ព្រះរាជក្រឹត្យស្តីពីការបង្កើត​អាជ្ញាធរនេះ​តែម្តង។ ទន្ទឹមនឹង​នេះ អាជ្ញាធរអប្សរា មានអគ្គនាយកដ្ឋាន ដែលមានអគ្គនាយកម្នាក់​សម្រាប់​ដំណើរ​​ការកិច្ចការប្រចាំថ្ងៃ ហើយអគ្គនាយកដ្ឋាននេះ មានតួនាទី​មានចែងនៅ​ក្នុង​អនុក្រឹត្យ​ស្តីពី​ការរៀបចំ និងការប្រព្រឹត្តទៅនៃអគ្គនាយកដ្ឋាននៃអាជ្ញាធរអប្សរា។ ជា​ពិសេស​នៅក្នុងអនុក្រឹត្យស្តីពីបុរីសណ្ឋាគារ ដែលបានផ្តល់សិទិ្ធអំណាចឲ្យ អាជ្ញាធរ​អប្សរា​មានតួនាទីយ៉ាងសំខាន់ នៅក្នុងវិស័យនគរូបនីយកម្ម នៅក្នុងទីរួមខេត្តសៀមរាបអង្គរ។ អំណាច​ទាំងនោះមាន ដូចជាការចេញលិខិតអនុញ្ញាតឲ្យ​សាងសង់​នៅតំបន់ក្រុងសៀម- រាប​អង្គរ ការចេញលិខិតរុះរើសំណង់ទាំងឡាយណាដែលមិនស្របច្បាប់ ឬគ្មាន​លិខិត​អនុញ្ញាត ការទប់ទល់មិនឲ្យមានការចូលកាន់កាប់ដីធ្លីនៅតំបន់សៀមរាបអង្គ​រ ដោយ​ខុស​ច្បាប់ និងតួនាទីសំខាន់ជាងនេះ គឺអាជ្ញាធរអប្សរា គឺជាអាជ្ញាធរទទួលដំណឹង ឬព័ត៌មានពី​អ្នក​កាន់កាប់​ដីធ្លីតិច ឬច្រើន នៅទីរួមខេត្តសៀមរាបអង្គរ យ៉ាងយូរ១ឆ្នាំក្រោយ​ពីអនុក្រឹត្យ​បុរីសណ្ឋាគារ​ចូល​ជា​ធរមាន។

            ជាសមិទ្ធិផលនៃអាជ្ញាធរអប្សរា អង្គភាពនេះ បានបំពេញតួនាទីរបស់ខ្លួន​ប្រកប​ដោយ​ភាព​ជោគ​ជ័យជា​ផ្លែផ្កាបន្តបន្ទាប់ ដោយអាជ្ញាធរអប្សរាបាន​ធ្វើការសហការជា​មួយ​នឹង​ស្ថាប័នជំនាញជាច្រើន ដើមី្បកែលំអក៏ដូចជាជួសជុលនូវប្រាសាទបុរាណខ្មែរ​នានា នៅក្នុងតំបន់អង្គរដែលធ្លាប់តែទ្រុឌទ្រោម តែឥលូវនេះ បែរជាមានភាពបន្តនូវជំហរ​ឈរ​រឹង​មាំរបស់ខ្លួនទៀត ដូចជាប្រាសាទ អង្គរវត្ត ប្រាសាទ​បាយ័ន ប្រាសាទបន្ទាយស្រីជាអាទិ៍។ ម៉្យាង​ទៀត ឯស្ថានភាពដីធ្លីនៅក្នុងតំបន់ ទីរួមខេត្តសៀមរាប អង្គរ ក៏​មានសណ្តាប់ធ្នាប់ល្អ និង​មានរបៀបរៀបរយល្អ ដោយគ្មានការចូលទៅកាន់កាប់ដីធ្លីខុសច្បាប់ដូច​ពី​អតីតកាល​ឡើយ។ ជាក់ស្តែងចាប់ពីឆ្នាំ១៩៩២ ដល់ឆ្នាំ២០០២ មានប្រជាជនចំណូលស្រុកប្រមាណ​១ម៉ឺន​នាក់ទៅ១០ម៉ឺននាក់ បានមកតាំងទីលំនៅលើតំបន់អង្គរ ដែលជាតំបន់ហាមឃាត់ តែ​អាជ្ញាធរ​អប្សរាបានចុះទៅធ្វើការរុះរើនូវទីតាំងទាំងនោះ តាមបទបញ្ជារបស់សម្តេច​អគ្គ​​មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើមី្បធ្វើការ កែលំអ អភិរក្ស អភិវឌ្ឍន៍នូវតំបន់​នេះ​​ឲ្យមានសោភណភាព ដោយមានប្រាសាទមាន​បណ្តាញបៃតង និងភាពស្ថិតឋេរគង់វង្សរហូតទៅ ក្នុងមហិច្ឆតាប្រើប្រាស់​វិស័យទេស-​ចរណ៍ ដែលជាវិស័យ ឧស្សាហកម្មគ្មានផ្សែង ទាក់ទាញភ្ញៀវ​ទេសចរ​ដើមី្បកំណើន​ការងារ​នៅកម្ពុជា កំណើនសេដ្ឋកិច្ច ជាតិនិងការអភិវឌ្ឍន៍​ប្រកបដោយ​ចីរភាព​​នៃ​នាវាកម្ពុជា។

---

[1] ព្រះរាជក្រឹត្យលេខនស/រកត/០២៩៥/១២,១៩ កុម្ភៈ ១៩៩៥,មាត្រា១។

[2] ព្រះរាជក្រឹត្យលេខនស/រកត/០២៩៥/១២,១៩ កុម្ភៈ ១៩៩៥,មាត្រា២។

[3]  ព្រះរាជក្រឹត្យលេខនស/រកត/០២៩៥/១២,១៩ កុម្ភៈ ១៩៩៥,មាត្រា៥។

[4] ព្រះរាជក្រឹត្យលេខនស/រកត/០១៩៩/១៨,២២ មករា ១៩៩៩,មាត្រា៤។

[5] ព្រះរាជក្រឹត្យលេខនស/រកត/០២៩៥/១២,១៩ កុម្ភៈ ១៩៩៥,មាត្រា៥។

[6] ព្រះរាជក្រឹត្យនស/រកត/០៩០៤/២៦៧,២០​ កញ្ញា ២០០៤,មាត្រា១។

[7] http://www.autoriteapsara.org/kh/apsara.html(ចូលទស្សនាថ្ងៃទី១១ខែវិច្ចិកាឆ្នាំ ២០១៤ )

[8]http://www.autoriteapsara.org/kh/apsara/about_apsara/department_of_apsara/Department_of_Conservation_ of_ the_Monuments_in_the_Angkor_Park_and_Preventive_Archaeology.html (ចូលទស្សនាថ្ងៃទី១១ខែវិច្ចិកាឆ្នាំ ២០១៤ )

[9]http://www.autoriteapsara.org/kh/apsara/about_apsara/department_of_apsara/Department_of_Tourism_Development_of_Angkor.html(ចូលទស្សនាថ្ងៃទី១១ខែវិច្ចិកាឆ្នាំ ២០១៤ )

[10]http://www.autoriteapsara.org/kh/apsara/about_apsara/department_of_apsara/Department_of_Inter_sectorial_ Projects_and_Technical_Support.html(ចូលទស្សនាថ្ងៃទី១១ខែវិច្ចិកាឆ្នាំ ២០១៤ )

[11]  មាត្រា ១២ នៃព្រះរាជក្រឹត្យ​ នស/រកត/០២៩៥/១២​ ចុះថៃ្ងទី​ ២៧ ខែ មករា​ ឆ្នាំ ១៩៩៥ ស្តីពីការបង្កើតអាជ្ញាធរដើម្បី​ការពាររមណីយដ្ឋាន និងរៀបចំតំបន់អង្គរ ហៅថា អាជ្ញាធរអប្សរា

[12]  មាត្រា ១៩ នៃព្រះរាជក្រឹត្យ​ នស/រកត/១២៩៧/៩១​ ចុះថៃ្ងទី​ ៣១ ខែ ធ្នូ​ ឆ្នាំ ១៩៩៧​ ស្តីពីលក្ខន្តិកៈគតិយុត្តនៃ​គ្រឹះស្ថាន​សាធារណៈ ​រដ្ឋបាល

[13] មាត្រា ១ នៃព្រះរាជក្រឹត្យ​ នស/រកត/០២៩៥/១២​ ចុះថៃ្ងទី​ ២៧ ខែ មករា​ ឆ្នាំ ១៩៩៥ ស្តីពីការបង្កើតអាជ្ញាធរដើម្បី​ការពារ​រមណីយដ្ឋាន និងរៀបចំតំបន់អង្គរ ហៅថា អាជ្ញាធរអប្សរា

[14] ព្រះរាជក្រឹត្យស្តីពីការបងើ្កតអជ្ញាធរដើម្បីការពាររមណីយដ្ឋាន និងរៀបចំតំបន់អង្គរហៅថាអាជ្ញាធរ "អប្សរា",លេខនស/រកត/០២៩៥/១២,១៩ កុម្ភៈ ១៩៩៥,មាត្រា២។

[15] ព្រះរាជក្រឹត្យនស/រកត/០១០៧/០១៥, ១០ មករា ២០០៧, មាត្រា១។

[16] តំបន់ទាំង៥នោះរួមមាន : តំបន់ទី១ ជាតំបន់រមណីយដ្ឋានមានប្រាសាទ

តំបន់ទី២ ជាតំបន់ឧទ្យានបុរាណវត្ថុត្រូវការពារ

តំបន់ទី៣ ជាតំបន់ទេសភាពវប្បធម៌ត្រូវការពារ

តំបន់ទី៤ ជាតំបន់ចំណុចមានសារៈសំខាន់ផ្នែកបុរាណវត្ថុវិទ្យា នរវិទ្យា ឬប្រវត្តិវិទ្យា

តំបន់ទី៥ ជាតំបន់បរិវេណអភិវឌ្ឍន៍សង្គម សេដ្ឋកិច្ច និងវប្បធម៌នៃតំបន់សៀមរាបអង្គរ

[17] មាត្រា១ នៃព្រះរាជក្រឹត្យបង្កើតអាជ្ញាធរដើមី្បការពាររមណីយដ្ឋាន និងរៀបចំតំបន់អង្គរ ហៅថាអាជ្ញាធរអប្សរា

[18] មាត្រា២ នៃអនុក្រឹត្យស្តីពីការរៀបចំ និងការប្រព្រឹត្តទៅរបស់អគ្គនាយកដ្ឋាន នៃអាជ្ញាធរអប្សរា

[19] ព្រះរាជក្រឹត្យស្តីពីការសម្រួលបទបញ្ញត្តិមួយចំនួនឲ្យស្របតាមច្បាប់លក្ខន្តិកៈគតិយុត្តិនៃគ្រឹះស្ថានសាធារណៈមានលក្ខណៈរដ្ឋបាល,២២​  មករា ១៩៩៩,មាត្រា៦។

[20] អនុក្រឹត្យស្តីពីបុរីសណ្ឋាគារលេខ៧៩/អនក្រ/បក,១៣ តុលា ១៩៩៥,មាត្រា១។

[21] អនុក្រឹត្យស្តីពីបុរីសណ្ឋាគារលេខ៧៩/អនក្រ/បក,១៣ តុលា ១៩៩៥,មាត្រា៣។

ឯកសារយោង

❤❤❤❤❤❤❤

ក.ឯកសារច្បាប់ និងលិខិតបទដ្ឋានគតិយុត្ត

            ក.១.ច្បាប់

១-រដ្ឋធម្មនុញ្ញនៃព្រះរាជាណាចក្រកម្ពុជា,២៤ កញ្ញា ​១៩៩៣។

២-ច្បាប់ស្តីពីកិច្ចការពារបេតិកភណ្ឌវប្បធម៌,លេខនស/រកម/០១៩៦/២៦,២៥មករា១៩៩៦។

            ក.២.ព្រះរាជក្រឹត្យ

១. ព្រះរាជក្រឹត្យស្តីពីការកំណត់ និងការចាត់ចែងគ្រប់គ្រងតំបន់សៀមរាបអង្គរ,លេខ០០១ នស,២៨ ឧសភា ១៩៩៤។

២. ព្រះរាជក្រឹត្យស្តីពីការបងើ្កតអជ្ញាធរដើម្បីការពាររមណីយដ្ឋាន និងរៀបចំតំបន់អង្គរហៅថាអាជ្ញាធរ "អប្សរា",លេខនស/រកត/០២៩៥/១២,១៩ កុម្ភៈ ១៩៩៥។

៣.ព្រះរាជក្រឹត្យស្តីពីការកែសម្រួលបទបញ្ញត្តិមួយចំនួន នៃព្រះរាជក្រឹត្យលេខនស/រកត/០២៩៥/១២ ស្តីពីការបងើ្កតអជ្ញាធរដើម្បីការពាររមណីយដ្ឋាន និងរៀបចំតំបន់អង្គរហៅថាអាជ្ញាធរអប្សរា,លេខនស/រកត/០១៩៩/១៨,២២ មករា ១៩៩៩។

៤.ព្រះរាជក្រឹត្យស្តីពីលក្ខន្តិកៈគតិយុត្តនៃគ្រឹះស្ថានសាធារណៈ រដ្ឋបាល, នស/រកត/១២៩៧/៩១,៣១ ធ្នូ ១៩៩៧។

 ៥.ព្រះរាជក្រឹត្យស្តីពីការសម្រួលបទបញ្ញត្តិមួយចំនួនឲ្យស្របតាមច្បាប់លក្ខន្តិកៈគតិយុត្តិនៃគ្រឹះស្ថានសាធារណៈមានលក្ខណៈរដ្ឋបាលលេខនស/រកត/០១៩៩/១៨,២២ មករា ១៩៩៩។

៤. ព្រះរាជក្រឹត្យស្តីពីការកែសម្រួលមាត្រា៤ និងមាត្រា៥ នៃព្រះរាជក្រឹត្យលេខនស/រកត/០១៩៩/១៨ ចុះថៃ្ងទី២២ ខែមករា ឆ្នាំ១៩៩៩ ស្តីពីការកែសម្រួលបទប្បញ្ញតិ្តមួយចំនួននៃព្រះរាជក្រឹត្យលេខ នស/រកត/០២៩៥/១២ ចុះថៃ្ងទី១៩ ខែកុម្ភៈ ឆ្នាំ១៩៩៥ ស្តីពីការបងើ្កតអាជ្ញាធរដើម្បីការពាររមណីយដ្ឋាន និងរៀបចំតំបន់អង្គរ ហៅថាអាជ្ញាធរអប្សរា,លេខនស/រកត/០៩០៤/២៦៧,២០ កញ្ញា ២០០៤។

៥. ព្រះរាជក្រឹត្យស្តីពីការកែសម្រួលមាត្រា២ ជំពូកទី១ នៃព្រះរាជក្រឹត្យលេខ នស/រកត/០២៩៥/១២ ចុះថៃ្ងទី ១៩ ខែកុម្ភៈ ឆ្នាំ១៩៩៥ ស្តីពីការ បងើ្កតអាជា្ញធរដើម្បីការពាររមណីយដ្ឋាន និងរៀបចំតំបន់អង្គរ ហៅថាអាជា្ញធរអប្សរា,នស/រកត/០១០៧/០១៥,១០ មករា ២០០៧។

          ក.៣.អនុក្រឹត្យ

១. អនុក្រឹត្យស្តីពីបុរីសណ្ឋាគារលេខ៧៩/អនក្រ/បក,១៣ តុលា ១៩៩៥។

២.អនុក្រឹត្យស្តីពីការពង្រីកផ្ទៃដីបុរីសណ្ឋាគារសៀមរាបអង្គរគ្រប់គ្រងដោយអាជ្ញាធរអប្សរា។

៣. អនុក្រឹត្យស្តីពីស្តីពីការតែងតាំងសមាសភាពក្រុមប្រឹក្សាភិបាលនៃអាជ្ញាធរ"អប្សរា" , ​លេខ១១៣ អនក្រ.តត,៣១ មករា ២០១៤។

៤. អនុក្រឹត្យស្តីពីការរៀបចំ និងការប្រព្រឹត្តទៅរបស់អគ្គនាយកដ្ឋាននៃអាជ្ញាធរអប្សរា,លេខ៥០អនក្រ.បក,០៩ ឧសភា ២០០៨។

            ក.៤.ប្រកាស និងសេចក្តីសម្រេច

១. ប្រកាសស្តីពីការបង្កើតមជ្ឈមណ្ឌលសេវាកម្មនៃអាជ្ញាធរអប្សរាលេខ១១២ប្រក,០២ កញ្ញា ២០០៨។

២. សេចក្តីសម្រេចស្តីពីដំណើរការចរន្ត ឯកសារនៃមជ្ឈមណ្ឌលសេវាកម្មនៃអាជ្ញាធរអប្សរាលំនាំបទដ្ឋាន ការគ្រប់គ្រងការពារបេតិកភណ្ឌវប្បធម៌អរូបី នៅតំបន់បេតិកភណ្ឌ ពិភពលោកអង្គរ និងតំបន់ផ្សេងៗទៀត ដែលស្ថិតនៅក្រោមសមត្ថកិច្ចរបស់អាជ្ញាធរអប្សរា, លេខ ៨០.សសរ, ១៩ កញ្ញា ២០០៨។

៣. សេចក្តីសម្រេចស្តីពីការបង្កើតក្រុមការងារ រៀបចំទីតាំងលក់ដូរនៅទីលានចំណតរថយន្ត ប្រាសាទតាព្រហ្ម, លេខ ០៤៩/១៤/រប.សសរ, ០៥ កុម្ភៈ ២០១៤។

៤. សេចក្តីសម្រេចស្តីពីការបង្កើតក្រុមលេខានៃ ក្រុមប្រឹក្សាភិបាលនៃអាជ្ញាធរអប្សរា, លេខ ០៣ សសររបស់ទីស្តីការគណៈរដ្ឋមន្ត្រី , ១២ កុម្ភៈ ២០១៤។

៥. សេចក្តីសម្រេចស្តីពីការបង្កើតក្រុមការងារ សម្រាប់អនុវត្តផែនការគ្រប់គ្រងទេសចរណ៍ ក្នុងគម្រោងក្របខ័ណ្ឌគ្រប់គ្រងបេតិកភណ្ឌ, លេខ ៧៦.សសរ, ២៧ ធ្នូ ២០១៣។

ខ. សៀវភៅមេរៀន

១-ឆាត ឡេងចាន់ឆាយយ៉ា.២០០៩-២០១០.នីតិនគរូបនីយកម្ម និងការរៀបចំទីក្រុង.មេរៀនសម្រាប់ថ្នាក់បរិញ្ញាបត្រឆ្នាំទី៤, សាកលវិទ្យាល័យបៀលប្រាយ។

២-អ៊ុន សកក្កដា. គ្មានកាលបរិច្ឆេទ. នីតិនគរូបនីយវិទ្យា. មេរៀនសម្រាប់ថ្នាក់បរិញ្ញាបត្រឆ្នាំទី៤, សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។

គ. វចនានុក្រម

១-វចនានុក្រមរបស់សម្តេចសង្ឃ ជួន ណាត

២-វចនានុក្រមតាមបទដ្ឋានគតិយុត្តខ្មែរ,Khmer Law.com, ឆ្នាំ២០០១១។

ឃ. គេហទំព័រ

           ១-គេហទំព័រនៃអាជ្ញាធរអប្សរា៖http://www.autoriteapsara.org។

           ២- គេហទំព័រនៃអាជ្ញាធរព្រះវិហា៖http://www.preahvihearauthority.org។

  ​​​៣-គេហទំព័រនៃអង្គភាពប្រតិកម្មពត៌មានរហ័ស(ទីស្តីការគណៈរដ្ឋមន្ត្រី) ៖ http://www. pressocm.gov.kh។

           ៤-គេហទំព័រនៃក្រសួងសេដ្ឋកិច្ច និងហិរញ្ញវត្ថុ៖http://www.mef.gov.kh។
                                                     
                                                       ❤❤❤❤❤❤❤❤❤❤❤