T. H. MARSHALL​

លោក T. H. MARSHALL ជាសង្គមវិទូអង់គ្លេស​ ។ លោកបានលើកឡើងពីការអភិវឌ្ឍសិទិ្ធទាំងឡាយរបស់ពលរដ្ឋអង់គ្លេស ។  លោក T. H. MARSHALL ពុំធ្វើការញែកចេញនូវសិទិ្ធសេដ្ឋកិច្ច​ និងសង្គមកិច្ចចេញពីគ្នាទេ ។ លោក T. H. MARSHALL បានដាក់សិទិ្ធទាំងពីរនៅជាមួយគ្នា ។ ឆ្នាំ ១៩៤៩ លោក T. H. MARSHALL បាននិពន្ធជាអត្ថបទនិពន្ធខ្លីៗ ហើយសៀវភៅនោះបានបោះពុម្ពផ្សាយនៅឆ្នាំ១៩៥០​ ដែលមានចំណងជើងថា Citizen Ship (ភាពជាពលរដ្ឋ ឬវណ្ណៈសង្គម) នៅក្នុងសៀវភៅរបស់លោក គឺលោកកបានចែកសិទិ្ធនៃភាពជាពលរដ្ឋមាន ៣ គឺ សិទិ្ធនយោបាយ សិទិ្ធសង្គម សិទិ្ធពលរដ្ឋ ដែលលោកបានរកឃើញសិទិ្ធនេះរយះពេល ២៥០ឆ្នាំ ។  លោកបានកំណត់អត្ថន័យនៃសិទិ្ធទាំងបី ហើយលោកបានបញ្ជាក់ប្រាប់ផងដែរ  អំពីទម្រង់ស្រដៀងគ្នារបស់រដ្ឋទាំងឡាយដែលទាក់ទងនឹងសិទិ្ធដែលគាត់បានលើកឡើង ។ លោកលើកឡើងថា “ចំពោះសិទិ្ធពលរដ្ឋ​ គឺមានសិទិ្ធចុះសំខាន់មួយចំនួនសម្រាប់សេរីភាពរបស់បុគ្គលដូចជាសេរីភាពក្នុងការនិយាយស្តី សិទិ្ធជាម្ចាស់កម្មសិទិ្ធផ្ទាល់ខ្លួន សិទិ្ធចុះកិច្ចសន្យាឲ្យមានសុពលភាព សិទិ្ធស្វែងរកយុត្តិធម៌ សេរីភាពក្នុងការគិតគូរ...។ លោក T. H. MARSHALL បានលើកឡើងថាមានស្ថាប័នជាច្រើនដែលទាក់ទងនឹងសិទិ្ធពលរដ្ឋ ក្នុងនោះមាន តុលាការជាដើម ។ ចំពោះសិទិ្ធនយោបាយវិញគាត់កំណត់ថាៈ ដូចជាអាជ្ញាធរនយោបាយមួយ ឬជាអ្នកបោះឆ្នោតជ្រើសរើសសមាជិកក្នុងស្ថប័ននោះ ។ លោកថាមានស្ថាប័នពាក់ព័ន្ធដូចជាសភា ក្រុមប្រឹក្សាតំបន់...។ សង្គមកិច្ចវិញ លោកឲ្យអត្ថន័យថា ផ្តើមចេញពីសិទិ្ធទាំងឡាយរហូតដល់សុខមាលភាព និងសុវត្ថិភាពនៅកម្រិតអតិបរមា សិទិ្ធទទួលបានសន្តិសុខសង្គមរហូតដល់សិទិ្ធទទួលបានការបែងចែកត្រឹមត្រូវនូវផលពីសង្គម ។ សិទិ្ធចិញ្ចឹមជីវិតរបស់មនុស្សឲ្យមានអរិយធម៌ខ្ពង់ខ្ពស់ស្របតាមស្តង់ដារបច្ចុប្បន្ន ។ ដូច្នេះលោកបានលើកឡើងថា មានស្ថប័នជាច្រើនទាក់ទងនឹងបញ្ហាទាំងនេះគឺប្រព័ន្ធអប់រំ និងសេវាកម្មសង្គមដទៃទៀត ។